Raiola arrin në Milano për të diskutuar rinovimin e kontratave të Donnarummas dhe Romagnolit

Agjenti Mino Raiola thuhet se ka mbërritur në Milano për të filluar bisedimet për të zgjatur kontratat e Gigio Donnarumma dhe Alessio Romagnoli.

Sipas mediumit La Gazzetta dello Sport, agjenti italian arriti dje (e enjte) në Milano për të diskutuar të ardhmen e klientëve të tij.

Kontrata e portierit skadon në fund të sezonit dhe raportet pretendojnë se Raiola dëshiron një klauzolë prej 30 milionë euro që të përfshihet në marrëveshjen e re të lojtarit nëse Milani nuk arrin të kualifikohet në Ligën e Kampionëve.

Lexo po ashtu Raiola kërkon nga Milani t’i vendoset klauzolë qesharake portierin Donnarumma

Në anën tjetër, kontrata e Romagnolit vazhdon deri në vitin 2022 dhe Raiola duket i etur të flasë për zgjatjen e marrëveshjes së tij me Rossonerët.

Drejtuesit e Milanit janë shumë të interesuar të rinovojnë me dy yjet e tyre dhe tashmë kanë bërë ofertat e para për rinovimin e tyre.

Lexo po ashtu Dhjetë lojtarët me pagën më të lartë këtë sezon në Serie A – Ronaldo dukshëm më i paguari

Momentalisht drejtuesit ofrojnë më pak sesa kërkojnë lojtarët dhe agjentët, por një marrëveshje rinovimi me të dy mund të arrihet në fund.

Donnarumma momentalisht fiton 6 milionë euro në sezon, ndërsa Romagnoli fiton 3.5 milionë euro. /Telegrafi/