Raine Group gjen një blerës serioz nga Lindja e Mesme për Interin

Banka investuese amerikane, Raine Group thuhet se ka gjetur një fond nga Lindja e Mesme, të cilët janë seriozë në lidhje me blerjen e Interit nga familja Zhang.

Sipas mediave italiane Tuttosport dhe Corriere dello Sport, një fond i paidentifikuar nga Lindja e Mesme janë gati të blejnë Nerazzurrët me kushtet e vendosura nga pronarët aktualë, të cilët duan mbi 1 miliard euro për klubin.

Familja Zhang ende duhet të shlyejë kredinë prej 275 milionë euro për Oaktree deri më 20 maj 2024, një shifër që rritet në pothuajse 400 euro nëse llogaritet interesi prej 12%, ose ta ri-financojë atë me norma interesi të dyfishta.

#Raine ha trovato un fondo mediorientale pronto a comprare l’#Inter alle condizioni di #Zhang https://t.co/IoSicNORuG pic.twitter.com/k65Hg4STPr

— calciomercato.com (@cmdotcom) September 22, 2023

Bisedimet mes palëve po përparojnë mirë dhe Raine është i bindur se një marrëveshje mund të arrihet në javët dhe muajt e ardhshëm. Së shpejti pritet të vijë një ofertë konkrete që do të lejojë që gjërat të ecin përpara.

Suning Group ende mund të vendosë të mbajë Interin, duke shtuar ndoshta një partner të ri pakicë në vend të kësaj, duke i lejuar ata të përfitojnë nga formati i ri i Ligës së Kampionëve dhe ndryshimet e ardhshme të Kupës së Botës për Klube.

/Telegrafi/