Qyteti i vogël i Kolorados me 397 banorë lëshoi 10,000 gjoba për tejkalim shpejtësie në vetëm 2 javë

Qyteti i vogël i Morrison në Kolorado, i quajtur shpesh një “kurth shpejtësie”, vazhdon të jetojë sipas reputacionit të tij.

Kjo për faktin se në vetëm dy javë, dy kamera të reja shpejtësie arritën të “kapin” 10,287 tiketa gjobe – një shifër që madje e zuri shefin e policisë lokale të befasuar, përcjell Telegrafi.

Kamerat e radarit u instaluan në mars, por për një periudhë prej 60 ditësh, ato lëshuan vetëm paralajmërime të buta përpara se të dilnin zyrtarisht në maj.

Njëra kamerë mbetet e fiksuar në një kryqëzim, ndërsa tjetra është e montuar në një rimorkio, duke siguruar që policia mund ta zhvendosë atë në mënyrë strategjike sipas nevojës.

Dhe çuditërisht, shifra befasuese e mbi 10,000 shkeljeve të shpejtësisë u arrit në vetëm dy javë midis 8 majit dhe 22 majit.

Këto shifra pasqyrojnë shoferët e kapur për kalim shpejtësie nga kufiri i shënuar në shenja.

Komuna historike mund të ketë një popullsi prej vetëm 396 banorësh (të paktën sipas Wikipedia), por ajo tërheq një numër të konsiderueshëm vizitorësh dhe turistësh çdo vit.

Si rezultat, rrugët e saj mund të mbushen me këmbësorë gjatë ngjarjeve, që do të thotë se drejtuesit e mjeteve duhet të jenë tepër të kujdesshëm. /Telegrafi/