Qyteti i Shkupit vatër e koronavirusit, nuk ka të interesuar për vaksinim

Në një javë në vend janë 8.5 për qind më shumë të diagnostikuar të rinj me Covid 19.

Sipas analizave të Institutit të Shëndetit Publik, nga data 25 deri më 31 korrik kanë rezultuar pozitivë 4764 qytetarë, gati gjysma e të cilëve janë në kryeqytet.

Shkupi është vatër e virusit dhe sipas autoriteteve shëndetësore është zonë e kuqe për nga numri i rasteve aktive.

Nga pacientët gjatë 7 ditëve të fundit, shumica janë në grupmoshën mbi 60 vjeç dhe më së paku tek adoleshentët.

Në analizën e fundit të ISHP-së janë regjistruar 9 vdekje, të gjithë të moshuar me sëmundje shoqëruese dhe kanë ndërruar jetë në kushte spitalore, raporton Flaka.

E ndërsa numri i rasteve të reja është në rritje, nuk ka rritje të numrit të të vaksinuarve.

Ata që duan të marrin 4 doza shkojnë më së shumti në postblloqe dhe deri më tani në vend janë rreth 6000.

Mbulimi është i vogël edhe për popullsinë që është rritur me një dozë të tretë dhe vetëm 8.8 për qind e popullsisë së përgjithshme është në këtë kategori.

Nëse rreth 1500 qytetarë vizitojnë ambulancat e vaksinimit në javë, vështirë se do të konsumohen 350 mijë dozat e vaksinave që kanë aktualisht në dispozicion autoritetet shëndetësore, të cilat skadojnë në fund të tetorit.

Mes tyre janë edhe vaksinat e Moderna-s.