Ndonëse dje Qendra e regjistrimit të automjeteve dhe ajo për pajisje me dokumente njoftoi se është mbyllur përkohësisht, pasi që disa zyrtarë kanë rezultuar pozitiv me COVID-19, numër i madh i qytetarëve janë parë edhe sot para kësaj qendre.
Pavarësisht se shumica prej tyre shihet se kanë vendosur maska, distanca nuk shihet se është duke u respektuar.
Në fotografitë që ka siguruar Telegrafi shihet mjaftë qartë radha e gjatë e qytetarëve para kësaj qendre.
Ndryshe dje kjo qendër ka njoftuar se “deri në përfundimin e procesit të testimit të stafit të këtyre dy qendrave, të gjitha shërbimet e Regjistrimit të Automjeteve do të bëhen në Qendrat e Regjistrimit të Automjeteve të rajonit 01 në komunat: Fushë Kosovë, Obiliq, Podujevë, Graçanicë, Lipjan dhe Drenas”. /Telegrafi/
