Qeveria synon agjenci të re për të shpëtuar toket e paprivatizuara

Qeveria është duke planifikuar të formojë një agjenci si mënyrë që t’i shpëtojë edhe ato toka që kanë mbetur pa u privatizuar nga AKP-ja.

Në këtë mënyrë, planifikohet që kjo agjenci tokat t’ua japë në shfrytëzim investitorët, të cilët sadopak që janë në Kosovë hasin në probleme për ta kryer investimin, për shkak të problemeve me gjetjen e tokave, raporton KTV.

Në një debat rreth procesit të privatizimit, kryetari i Komisionit për Zhvillim Ekonomik, Muhamet Mustafa ka thënë se janë bërë shumë gabime në këtë proces.

Zyrtarë të Bashkimit Evropian nuk kanë thënë asnjë fjalë ani pse ky institucion kishte udhëhequr me procesin e privatizimit, para shpalljes së pavarësisë.

Drejtues të ri të Bordit të AKP-së kanë përmendur shumë procese me të cilat janë duke u marrë dhe që janë futur në çështjet prioritare siç janë Trepça, Tokat e mbetura bujqësore, Uzurpimet, Privatizimet.

Ata kanë thënë se janë të gatshëm ta korrigjojnë procesin e privatizimit, për aq sa ligji e lejoi një gjë të tillë. Një nga problemet e mëdha janë ankesat, që sipas përgjegjësve, kanë arritur në mbi 22 mijë.