Që kur Ronaldo iu bashku United, ndodhën tre gjëra që tifozët e klubit nuk i kishin imagjinuar

Cristiano Ronaldo tashmë është zyrtarisht lojtar i Manchester Unitedit dhe pritet që në orët e pasdites të prezantohet me fanellën e klubit nga Lisbona (aty ku po qëndron, pas largimit nga Juventusi).

Ylli portugez u largua nga Juventusi pas tre vitesh, pasi mendonte se skuadra nuk mund të garojë për trofe me kapacitetet aktuale dhe vendosi të rikthehej te Djajtë e Kuq pas më shumë se 11 vitesh.

Lexo po ashtu Aksionet e Man United janë rritur me miliona euro pasi njoftuan marrëveshjen me Cristiano Ronaldon

Me rikthimin e pesë herë fituesit të Topit të Artë në Old Trafford, ndodhën tre gjëra që ndoshta tifozët e Unitedit nuk i kishin imagjinuar.

Menjëherë pas njoftimit nga Manchester United se Ronaldo është lojtar i tyre, ueb-faqja e tyre ra nga sistemi dhe nuk mund t’i përballonte vizitat në të.

Lexo po ashtu Efekti Ronaldo: Manchester Utd i rriten ndjekësit në Instagram - mbi një milion më shumë vetëm dy orë pas transferimit

Postimi i portugezit në Instagram se po largohej nga Juventusi për t’u rikthyer te skuadër angleze mori miliona pëlqime (41.3 milionë në momentin që është shkruar artikulli), që është një rekord i ri.

Një tjetër fakt është se pas prezantimit të Ronaldos, aksionet e klubit janë rritur për 8 për qind, që i bije se në vlerë janë shtuar 250 milionë dollarë.

Lexo po ashtu Zbulohet se kur do të debutojë Ronaldo te Manchester Unitedi

Duket se portugezi ka ende ndikimin e madh në botën e futbollit, madje duke e lënë pas edhe rivalin e tij të përbetuar, Lionel Messin që kaloi te Paris Saint-Germain po ashtu në këtë muaj. /Telegrafi/

Since Ronaldo rejoined Man United:

• The club's official website crashed
• His announcement tweet got a million likes in an hour
• The club's stock rose by 8%, value $250M

The most influential athlete on the planet? 🌎 pic.twitter.com/LjvK40pzUT

— ESPN FC (@ESPNFC) August 28, 2021