Putin dërgon 200 aeroplanë ushtarakë në Ballkan!

Forcat Ajrore të ushtrisë ruse dhe asaj serbe do të mbajnë stërvitjen e parë të përbashkët ushtarake në territorin e Serbisë dhe Republikës Serbe, shkruajnë mediat serbe, duke u thirrur në informata të agjencisë së lajmeve Interfax.

Po sipas medieve serbe, përcjell Telegrafi, këto stërvitje do të mbahen në kuadër të ushtrimeve të shpallura tashmë taktike “Bars 2016” dhe në to do të marrin pjesë dhjetë formacionet fluturuese të ushtrisë ruse, si dhe avion (MiG-29) dhe helikopterë (Mi-8) të Ushtrisë së Serbisë.

Ndonëse ende nuk dihet zyrtarisht, mediat serbe paralajmërojnë se presidenti rus Vladimir Putin ka vendosur të dërgojë më shumë se 200 avionë në drejtim të Serbisë për të treguar plotësisht Forcat Ajrore të vendit të tij.

Stërvitja do të ndiqet nga mbrojtja anti-ajrore të Ushtrisë së Serbisë, e cila do të jetë në gjendje për të testuar fuqinë e tyre kundër avionëve më moderne ruse, shkruajnë mediat serbe, përcjell Telegrafi.

Sipas ekspertit ushtarak Miroslav Lazanski, performanca e stërvitjeve të përbashkëta ushtarake mes Rusisë dhe Serbisë është e dobishme për shumë arsye, dhe se sipas tij, SHBA nuk ka të drejtë të ndërhyjë në një vendim të tillë sovran të Serbisë. /Telegrafi/