”Puna më e vështirë është të gjesh punë“ – fillon trajnimi për të rinjtë në Shtip

Këshilli rinor i ambasadës së ShBA në Maqedoni në bashkëpunim me Këshillin rinor të komunës Shtip, organizojnë trajnime me temë: „Puna më e vështirë është të gjesh punë“, transmeton Telegrafi Maqedoni.

„Të gjithë të rinjve që jetojnë në Shtip ose në rrethinë, u ofrojmë një mundësi të shkëlqyer për përforcimin e aftësive të tyre për kërkim të punës dhe për vetëpunësim përmes organizimit të trajnimit dyditor intensiv në tema që do tu nevojiten për punësimin e tyre: biznes modele dhe simulime, pajisja me aftësi të buta (soft skills), vegla për kërkim të punës (CV, letër motivimi dhe intervistë për punë). Trajnimi do të mbahet në Shtip (14-15 maj). Të drejtë për pjesëmarrje në secilën nga trajnimet do të kenë 30 banorë nga komuna e lartpërmendur, të cilët kërkojnë punë në mënyrë aktive dhe kanë prej 18 deri më 30 vjet, deri në datën e mbajtjes së trajnimit. Trajnimi financohet nga Ambasada amerikane në Shkup dhe pjesëmarrja është falas. Aplikoni në ycusmac@gmail.com me plotësim të Formularit për paraqitje më së voni deri më – 01.05.2016“, thuhet në njoftimin për trajnimet./Telegrafi