PTHP-Shkup: Aktakuzë kundër një 38-vjeçari për dy grabitje në barnatore

Prokuroria Themelore Publike në Shkup ka ngritur aktakuzë kundër një 38-vjeçari nga Shkupi për dy grabitje me thikë në barnatore më 10 dhe 16 shtator të këtij viti në Shkup.

I pandehuri, siç informohet nga PTHP, më 10 shtator, hyri në një barnatore në rrugën “Vasil Gllavinov” në Shkup dhe e kërcënoi punonjësen me thikë, duke kërkuar që t’ia jepte paratë nga qarkullimi ditor. Pastaj ai kishte shkruar te arka nga ku i mori 4.430 denarë dhe ishte arratisur.

“Më 14 shtator, në të njëjtën mënyrë, ai mori 16.150 denarë nga një barnatore në bulevardin “Shën Klimenti i Ohrit ”. Ai më pas u përpoq ta merrte edhe celularin e punonjëses, e cila rezistoi dhe e shtyu. I akuzuari mori një pjesë të parave nga qarkullimi ditor nga arka metalike e barnatores, ndërsa një pjesë nga një kuti kartoni në pjesën e magazinës në barnatore, ndërsa më pas u largua”, qëndron në kumtesën e PTHP-së.

Prokurori publik kompetent shtroi në Gjykatën Themelore Penale në Shkup propozim për zgjatjen e masës së paraburgimit të përcaktuar më parë për personin e akuzuar, sepse ekziston rreziku i arratisjes, si dhe mundësia që ai të ndikojë në dëshmitarët/palët e dëmtuara ose ta përsërisë krimin e bërë.

Personi akuzohet për kryerjen e dy veprave penale – Grabitje sipas nenit 237 paragrafi 4 në lidhje me paragrafin 1 të Kodit Penal.