Trajneri i Argjentinës, Jorge Sampaoli i befasoi të gjithë në Kupën e Botës me inkuadrimin në lojë të Cristian Pavon.
Për ta marrë me vete sulmuesin në rusi mbetën jashtë Mauro Icardi i Interit dhe Diego Perotti i Romës.
Pavon luajti gjatë Kampionatit Botëror Rusia 2018 më shumë se super ylli i Juventusit, Paulo Dybala.
Por falë paraqitjeve të tij, tani lojtari pritet të largohet drejt Evropës.
(Getty Images)
Edhe pse e vazhdoi kontratën me Boca Juniorsin deri në vitin 2022, dy skuadra të mëdha po e duan lojtarin.
22-vjeçari është duke u kërkuar nga dy gjigantët evropian Arsenal dhe Paris Saint Germain.
Edicionin e kaluar Pavon shkëlqeu me Boca Juniorsin ku shënoi shtatë gola dhe bëri 19 asistime në 32 ndeshje.
Për ta lënë të lirë yllin e tyre, Boca po kërkon rreth 40 milionë euro. /Telegrafi/
