Pse kanë ngecur bisedimet mes Milanit dhe Leaos

Asnjë përparim nuk është bërë në bisedimet e rinovimit të kontratës së Rafael Leaos me Milanin pas ofertës së fundit të klubit, me një faktor në veçanti që krijon distancën mes palëve.

Kontrata e yllit portugez me kuqezinjtë skadon në qershor të vitit 2024 dhe klubi ka qenë i prirur ta rinovojë atë që prej disa muajsh.

Pas Kampionatit Botëror në Katar, Milani i ofroi Leaos një kontratë afatgjatë me vlerë rreth 7 milionë euro neto në sezon, duke shpresuar se ky do të ishte hapi i nevojshëm për të gjetur një marrëveshje.

Lexo po ashtu Dita e fundit e afatit kalimtar ‘Janar 2023’

Siç detajohet nga La Gazzetta dello Sport, Milani nuk ka arritur të përparojë bisedimet për rinovimin e kontratës me Leaon pas ofertës së tyre të fundit, me çështjen e klauzolës së lirimit që rezulton veçanërisht problematike.

Klauzola aktuale e lirimit të 23-vjeçarit është 150 milionë euro dhe ai do të donte që ajo të përgjysmohej në rreth 70-80 milionë euro në marrëveshjen e re. Klubi, nga ana tjetër, do të preferonte ta heqë atë tërësisht dhe nuk ka ndërmend të përgjysmojë klauzolën aktuale.

Tensionet thuhet se janë të larta mes lojtarit dhe drejtorit Paolo Maldini dhe takimi i tyre i fundit ballë për ballë përfundoi papritur. /Telegrafi/

#Milan, è gelo con #Leao. Rinnovo in stallo e con #Maldini ormai sono scintille: il motivo https://t.co/oHNya0nuFC

— calciomercato.com (@cmdotcom) January 31, 2023