“Pse gazetare je ti?” – Debatet ashpërsohen mes Ledjonës dhe Rozës

Shtëpia e BBVA është sërish skena e një debati mes dy gazetareve, Ledjonës dhe Rozës.

Në një moment stërvitjeje në palestër në oborrin e shtëpisë, bashkë me disa të tjerë banorë, diskutimi mes tyre merr një kthesë tjetër.

Gjithçka nisi me një kompliment nga ana e Ledjonës, e cila u shpreh ndaj Rozës se flet shumë bukur.

Roza iu kthye menjëherë, duke iu referuar profesionit të tyre: “Po a jemi gazetarë, apo s’jemi?” Kjo solli një dialog të mbushur me ironi pasi Ledjona pyet Rozën: “Pse gazetare je ti?”

“Në profesion gazetare jam, të kam thënë” – deklaroi Roza me një ton të sigurt. “Kam mbaruar për shkenca politike, dhe jam moderatore, si ti.”

Lexo po ashtu E quan 'liliputkë': Shpërthen debati mes Ledjonës dhe Rozës

Megjithatë, ndërsa diskutimi zhvillohej, Ledjona ngulmoi dhe vazhdoi të shtynte për detaje, duke e pyetur Rozën: “Çfarë temash ke bërë, çfarë ke intervistuar?”

Roza i shpalosi Ledjonës përvojën e saj, duke theksuar se puna e saj ka qenë më shumë e orientuar nga ana artistike se sa investiguese apo politike, përqendruar te nuancat njerëzore dhe kreative.

Ndërsa Roza u përpoq të rrëfejë për një intervistë me Sali Berishën, Ledjona zgjodhi të mos e dëgjojë duke lënë përshtypjen e një injorimi të qëllimshëm. /Telegrafi/