Pse Bayern Munichut i është ndaluar ta veshë fanellën si vendas nëse arrin në finalen e Ligës së Kampionëve

Bayern Munich do të ndalohet të veshë fanellën e kuqe të shtëpisë nëse arrijnë në finalen e Ligës së Kampionëve këtë sezon.

Skuadra bavareze u përball me kampionët e Bundesligës, Bayer Leverkusen në ndeshjen e parë të 1/8 së finales dhe fitoi 3-0 kundër skuadrës së Xabi Alonsos.

Harry Kane shënoi dy herë dhe një nga Jamal Musiala për t’i dhënë një këmbë të mbarë skuadrës së Vincent Kompany në çerekfinale të Ligës së Kampionëve, duke shkuar në ndeshjen e dytë javën e ardhshme.

Bayerni po kërkon të kurorëzohet kampion i Evropës për herë të shtatë dhe mund ta bëjë këtë në stadiumin e tyre “Allianz Arena”, i cili pret finalen ashtu siç ndodhi kur u mund nga Chelsea me penallti në 2012.

Megjithatë, Bayern nuk do të lejohet të veshë ngjyrat e tyre tradicionale nëse shkon në finale.

Lexo po ashtu Bayern Munich fiton bindshëm derbin gjerman në Ligën e Kampionëve, bën hap të madh drejt çerekfinales 

Siç raportohet nga Daily Mail dhe një sërë mediash të tjera, 33 herë kampionët gjermanë janë ndaluar nga UEFA të veshin fanellën e tyre në Ligën e Kampionëve.

Edhe pse ata e kanë veshur atë normalisht në Bundesligë, pretendohet se numrat e errët në fanellë “nuk ofrojnë mjaft kontrast për shikuesit”.

Duke shkelur rregullat e dukshmërisë, pretendohet se UEFA i ka kërkuar Bayernit të ndryshojë numrat dhe fontin e tyre në të bardhë në mënyrë që të respektojë rregullat.

Megjithatë, klubi nuk e ka bërë ende një gjë të tillë në Ligën e Kampionëve dhe në vend të kësaj ka veshur fanellat e tyre retro ngjyrë bezhë në shtëpi, përveç fanellës së zezë jashtë fushe kur janë si mysafir. /Telegrafi/