Protokolli për votim në Maqedoninë e Veriut, për të shmangur infektimin me COVID-19

Komisioni Shtetëror Zgjedhor në Maqedoni ka publikuar protokollim dhe simulimin e procesit zgjedhor në kushte të pandemisë globale COVID-19, me të cilët tenton të parandalojë infektimin e votuesve me këtë virus, njofton Telegrafi Maqedoni.

Do të votohet sipas protokolleve të Komisioni për Sëmundje Ngjitëse të cilët parashohin masa për mbrojtje në vendvotime, për njerëzit që po zbatojnë votimin dhe për votuesit.

Simulimin e ndoqën edhe vëzhguesit në zgjedhje, në mesin e të cilëve edhe OSBE-ODIHR, përfaqësues të Ministrisë së Shëndetësisë, ambasadat si dhe partitë politike. Gjithashtu kishte edhe apel ndaj personave të përfshirë në procesin zgjedhor që t’i respektojnë masat shëndetësore, protokollet dhe udhëzimet gjatë zgjedhjeve të parakohshme kuvendare më 15 korrik.

Simulimi, sipas të pranishmëve, vërtetoi se mund të votohet pa u rrezikuar votuesit.

Sipas protokollit për votim, së pari policia në derën hyrëse të vendvotimit do t’u kërkojë votuesve të vendosin maskë mbrojtëse. Pas hyrjes në objekt, në radhë do të mbahet distanca. Gjatë hyrjes në hapësirë, votuesi së pari duhet t’i dezinfektojë duart, ta japë letërnjoftimin, për pak kohë ta heq maskën për identifikim, të votojë dhe gjatë daljes përsëri t’i dezinfektojnë duart. Në hapësirat e votimit nuk mund të ketë më shumë votues se sa vendvotime brenda.

Votimi në zgjedhjet e 15 korrikut zhvillohet për tre ditë, ndërsa më 15 korrik në vend të 12 orëve, zgjedhje do të ketë 14 orë, përkatësisht nga ora 7 në mëngjes deri në orën 21:00.

Më 13 korrik votojnë personat që ndodhen në karantinë në shtëpi për shkak se kanë rezultuar pozitiv në testin për coronavirusit dhe personat që kanë masën e vetizolimit me vendim nga Inspektorati Shëndetësor Sanitar.

Më 14 korrik votojnë të sëmurë, të dobëtit, të sëmurët kronik si dhe personat të cilët sipas Kodit Zgjedhor votojnë një ditë para mbajtjes së zgjedhjeve./Telegrafi/