Pronat e Sasho Mijallkovit do të nxirren në ankand, vlera e tyre tejkalon shumën e 14 milionë eurove
Driton Nebiu me të ardhur në detyrë si drejtor në Agjencinë për Konfiskim të Pasurisë, është angazhuar që pronat dhe aksionet e konfiskuara të dalin në ankand për t’u shitur. Në mesin e tyre janë edhe pronat e ish drejtorit të DSK-së Sasho Mijallkov, të cilat siç thotë, për arsye të panjohura nuk janë marrë në konsideratë për t’u trajtuar. Vlera e patundshmërive tejkalon vlerën prej 14 milionë euro.
“Dhe ai vendim kaloi që ne aksionet e Sasho Mijallkovit t’i nxjerrim në shitje e që me vite nuk kishte ndodhur në këtë Agjencion, arsyet nuk e di pse!? Prona tjera të konfiskuara të Sasho Mijallkovit kapin vlerën prej 14,144,000 euro, gjegjësisht janë banesa, toka për ndërtim dhe patundshmëri, dhe jemi në procedurë në fazën përfundimtare për një patundshmëri që gjendet në Gjevgjeli dhe një patundshmëri në Vila Vodno me sa më kujtohet, jemi në fazën përfundimtare, ka kaluar të gjitha filtrat brenda institucionit, në Qeveri dhe presim që shumë shpejtë, brenda këtyre ditëve të nxjerim edhe këtë tokë në shitje”, tha Nebiu.
E sa i përket rastit “Transmet” të Sead Koçanit, Nebiu ka dyshime se kjo lëndë po manipulohet. Ai thotë se ka vendim gjyqësor për konfiskimin e makinerisë për punë, ndërsa makineritë nuk janë askund.
“Vendimi përfundimtar gjyqësor është që t’i konfiskohen të gjitha patundshmëritë që ka, mjetet financiare e kështu me radhë, automjete, mirëpo për momentin në Agjencinë për konfiskim të pronës nuk kemi asnjë automjet dhe shtrohet pyetja se ku gjenden këto automjete të lëndës “Transmet”?”, u shpreh Nebiu më tej.
Për këto makineri, Nebiu ka kërkuar ndihmë nga Prokuroria Publike dhe Ministria e Punëve të Brendshme për të detektuar lokacionin e tyre. Nebiu njoftoi që në depon e veturave në Idrizovë për momentin qëndrojnë rreth 15,000 vetura. Ndryshe Agjencia për Konfiskim të Pasurisë periudhën e fundit nga mjetet e konfiskuara ka realizuar donacione për komuna, institucione të ndryshme shëndetësore, arsimore e të tjera. Donacionet janë veshmbathje, pajisje shëndetësore, materiale shkollore, ushqim dhe automjete e të cilat janë konfiskuar me vendim gjyqësor.
“Ne konkretisht kemi dhuruar mbi 2020 pajisje. Kjo përmban gjësende shkollore, materiale shkollore dhe veshmbathje për fëmijët e atyre shkollave. Kemi donuar edhe mbi 15-16 institucione shëndetësore, kemi dhuruar gjësende të ndryshme medicinale, kemi dhuruar gjëra ushqimore për të mirëmbajtur kuzhinat e tyre të cilat nevojiten për pacientë, kemi dhuruar edhe në burgun e Idrizovës”, shton Nebiu.
Nebiu, shprehet se gjatë 100 ditëve të para është angazhuar për t’u dalë në ndihmë institucioneve që më së shumti kanë nevojë për materialet e konfiskuara./TV21/
Lufta Prigozhin - Putin
Më shumëFSK së shpejti me aeroport ushtarak në afërsi të kufirit me Serbinë
"Unë e konsideroj Kosovën si fqinje", Suljagiq: Serbia ka arritur ta largojë Bosnje dhe Hercegovinën nga Kosova
Audio-incizimi dëshmon se avokatja ia kërkoi palës 25 mijë euro për ta pranuar vendimin e Apelit
Fyerjet e sharjet në Kuvend, deputetëve do t’u kushtojnë me pagë
I ati i vdiq në Mekë, djali tregon pse nuk e kthyen trupin në Shqipëri
Qytetarët e Kosovës të papunë, bizneset me punëtorë nga shtetet e jashtme
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Mësoni pse Holandës iu anulua goli i Xavi Simons kundër Francës
"Ndaj tij do të zbatohen sanksione disiplinore dhe financiare" - klubi i Rubin Kazanit me reagim për situatën e Mirlind Dakut
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan
Nga dyshimet për Policinë e Kosovës tek ndikimi te dëshmitarët, si e ndryshoi Specialja arsyetimin për t’i mbajtur në Hagë ish-krerët e UÇK-së
PDK kërkoi shkarkimin e ambasadorit Berishaj, deputeti Berisha e vizitoi në Zagreb: Biseduam për të mirën e kombit dhe shtetit
Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi