Pronarët e Chelseat duan të përgjysmojnë shpenzimet e pagave në ekip

Pastrimi i skuadrës së Chelseat do të vazhdojë me pronarët që pranojnë se duan të ulin më tej faturën e pagave të tyre te Blutë.

Jose Feliciano, bashkëpronar i ClearLake Capital, ka deklaruar se ulja e faturës së pagave mbetet një prioritet për klubin.

Feliciano sugjeron se kostot e pagave duhet të shkurtohen me më shumë se gjysma e shpenzimeve aktuale.

Lexo po ashtu Superkompjuteri parashikon katërshen më të mirë në Ligën Premier, dy gjigantë mbesin jashtë Ligës së Kampionëve

“Ne kemi blerë një aset që është shumë i lakmuar nga shumë blerës të tjerë të mundshëm”, ka thënë fillimisht Feliciano në një konferencë të kompanisë në Paris.

“Në fund të fundit, ne jemi jashtëzakonisht të lidhur me atë bazë mbështetësish dhe tifozësh, sepse mënyra më e mirë për ta bërë klubin tonë më të vlefshëm është fitorja”.

“Ekipi pati një sezon të parë të vështirë, sezonin tonë të parë. Ne kemi një sasi të jashtëzakonshme talentesh”.

Lexo po ashtu Real Madridi dhe Barcelona dominojnë 'biznesin' e fanellave: Sa fitojnë klubet nga reklamat?

“Mendoj se ajo që ne po përpiqemi të bëjmë është të ulim pagën dhe në thelb shpenzimet operative të biznesit me mbi 80.6 milionë funte në vit”, përfundoi ai.

Shpenzimet aktuale të Chelseat për pagat thuhet se janë të paktën 150 milionë funte (173 milionë euro). /Telegrafi/