Prokuroria jep detajet për dhunimin seksual të dy të miturave në Gjakovë – kërkon paraburgim ndaj dy personave

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj dy të pandehurve M.H. dhe E.N për shkak të dyshimit të bazuar se ka kryer veprën penale “Dhunimi”.

Sipas një njoftimi për media nga prokuroria bëjnë të ditur se i pandehuri M.H ka kryer akt seksual me personin tjetër pa pëlqimin e saj, me të dëmtuarën e cila është e mitur.

“I pandehuri kishte krijuar lidhje dashurie me të dëmtuarën dhe pasi që kontaktojnë dhe takohen, shkojnë në një motel, ku i pandehuri kryen marrëdhënie seksuale me të dëmtuarën e mitur, dhe më pas paraqitet rasti në polici”, thuhet në njoftim.

Tutje bëhet e ditur se prokurori i rastit ndaj të pandehurit ka kërkuar masën e paraburgimit në afat prej 30 ditësh, dhe i njëjti, me urdhër të prokurorit gjendet në ndalim nga data 04 tetor 2022.

Edhe për të pandehurin me inicialet E.N., prokuroria thotë se me përdorim të forcës e detyron personin tjetër të kryej akt seksual pa pëlqimin e saj, të dëmtuarën e cila është e mitur.

“Pasi që paraprakisht kishin biseduar përmes rrjeteve sociale, takohen, dhe i pandehuri me automjetin e tij e merr të dëmtuarën dhe e dërgon tek një parking, fillon ta prek dhe ta puthë, e më pas e godet me shuplakë dhe me përdorim të forcës e  pa pëlqimin e saj kryen marrëdhënie seksuale me të dëmtuarën, derisa e njëjta arrin që të del nga automjeti dhe të paraqet rastin në polici”, thuhet tutje në njoftim duke shtuar se “Prokurori i rastit ndaj të pandehurit ka kërkuar masën e paraburgimit në afat prej 30 ditësh, dhe i njëjti, me urdhër të prokurorit gjendet në ndalim nga data 04 tetor 2022”. /Telegrafi/