Projektohet shkëmbimi i madh Ndombele-Coutinho

Tottenham Hotspur thuhet se është i hapur për një marrëveshje shkëmbimi lojtarësh me Barcelonën, shkëmbim që përfshin Tanguy Ndombele dhe Philippe Coutinho.

Barcelona ka qenë e lidhur me një veprim veror për reprezentuesin francez, pasi ish-mesfushori i Lyonit ka duruar një sezon të parë të përzier në Angli.

Coutinho gjithashtu është përfolur shumë për një rikthim në Ligën Premier përpara sezonit 2020-21 dhe kjo gjë mund të ndodh këtë verë.

Lexo po ashtu Tensione te Tottenhami, Ndombele ia bënë të qartë Mourinhos se nuk dëshiron të luajë për të

Sipas mediumit Independent, një marrëveshje mund të arrihet mes Barcelonës dhe Tottenhamit për t’iu përshtatur të dy klubeve duke shkëmbyer dy lojtarët e përfolur.

Barcelona thuhet se po funksionon me një buxhet të ngushtë këtë verë, me marrëveshje të shkëmbimit të lojtarëve që ka të ngjarë të formojnë pjesën më të madhe të transferimeve të tyre.

Lexo po ashtu Agjenti i Coutinhos aranzhon takim me Barcelonën, dëshira e lojtarit është rikthimi në Angli

Sidoqoftë, nëse arrihet një marrëveshje kokë më kokë e shkëmbimit, Barcelona do të bënte një humbje në nënshkrimin e tyre origjinal.

Kjo pasi Barcelona pagoi 120 milionë euro për të nënshkruar Coutinhon nga Liverpool në vitin 2018, ndërsa tani vlera e tij thuhet se ka rënë në 80 milionë euro. /Telegrafi/