Pritja e jashtëzakoshme e portierit të Atalantës që ia mohoi fitoren Juventusit

Portieri i Atalantas, Marco Carnesecchi është ‘fajtori’ që Juventusi fitoi vetëm një pikë në derbin e xhiros së 19-të të Serisë A dhe pritja e tij në pjesën e dytë të ndeshjes hyn në garën e më të mirëve të sezonit.

Juventus kishte një fitore të madhe jashtë fushe në duart e tyre. Zonja e vjetër ka pasur avantazhin me golin e Pierre Kalulu në fillim të pjesës së dytë dhe më pas ka shkëlqyer me lojën e saj në pjesën e mbetur të lojës.

Megjithatë, portieri italian i vendasve Carnesecchi pati deri në tetë pritje dhe lejoi Bergamezët të qëndronin në lojë gjatë ndeshjes. Matteo Retegui e shfrytëzoi këtë dhe me një gol në minutën e 78-të i solli një pikë të vlefshme Atalantës, e cila ka ende ambicie për titullin e kampionit.

Marco Carnesecchi (GK/24/🇮🇹)

MoTM semalam memang Kalulu, tapi versi gue adalah dia. Super save nya nyaris buat Juve buka puasa.

Flashback, Marco bisa sehebat sekarang karena sukses membawa Cremonese promosi ke Serie 22/23. Jam terbangnya selama 3 musim di Serie B cukup tinggi. pic.twitter.com/aqNWHbipL5

— Atalanta Indo (@atalanta_indo) January 15, 2025

Megjithatë, asnjë nga këto nuk do të ishte e mundur pa ndërhyrjen e mrekullueshme të Carnesecchi. Portieri i Atalantës shpëtoi skuadrën e tij kur Juventus po priste 1:0.

Përsëri, Kalulu ishte afër portës, pa shënuar dopio, Carnesecchi bëri përpjekje dhe fjalë për fjalë e nxori topin nga porta.

Për fat të Atalantës, ai e bëri këtë, ndërsa topi ishte disa milimetra larg vijës imagjinare të portës.

Me ndihmën e teknologjisë “goal-line”, arbitri Daniele Doveri konstatoi se topi nuk hynte në portë dhe Atalanta mbeti në lojë.

Carnesecchi mori lëvdata pas ndeshjes, me faqet e para të shtypit italian plot me foto të pritjes së tij spektakolare.

Për Juventusin, ishte barazimi i 13-të në 20 ndeshjet e Serisë A të luajtura këtë sezon dhe ata janë ende të pamposhtur, por vetëm në vendin e pestë.

Nga ana tjetër, Atalanta është në pozitën e tretë me katër pikë më pak se Napoli që është lider. /Telegrafi/