Prishtina merr fitoren e parë, mposht Trepçën ’89 në ‘Riza Lushta’

Prishtina ka arritur të shënojë fitore si mysafire e Trepçës ’89 me rezultat 1-0.

Pas një nisje të dobët Prishtina është këndellur paksa duke i marr tri pikë e para.

Në ‘Rizas Lushta’ pjesa e parë doli të jetë e dobët, pasi të dy skuadrat nuk dëshironin të rrezikonin.

Në minutën e 38-të rrezikoi Leart Emini, por Visar Bekaj ishte në portë.

Prishtina ka mundur të përfitojë me Ahmed Januzin, i cili i vetëm me portier qëllon rrjetën e jashtme.

Pjesa e dytë nisi më mirë për Prishtinën.

Korenica ishte ai që e paralajmëroi golin, kur në një kudnërsulm, kaloi dy lojtarë, por në fund u bllokua gjuajtja e tij.

Në minutën e 58-të, Ahmet Januzi, përfitoi nga një dalje e gabuar e portieri Arben Beqiri, ku shënoi për 1-0.

Pas golit 89-shi la hapësira prapa, duke rrezikuar edhe pësimin e golit të tytë.

Por Kreshnik Uka, Ahmed Jaunzi dhe Meriton Korenica nuk arritën të shënojnë.

Prishtina tani ka katër pikë dhe një ndeshje më pak të zhvilluar, ndërsa 89-shi mbetet me pesë pikë. /Telegrafi/