Presidenti i Lyonit, Aulas: Fekir është i lirë të largohet

Presidenti i Lyonit, Jean-Michel Aulas ka thënë se kapiteni i tyre Nabil Fekir mund të largohet nga klubi i Ligue 1.

Fekiri ishte i gatshëm të bashkohej me Liverpoolin para sezonin 2018-19, por bisedimet u ndërpriten mes shqetësimeve të raportuara në lidhje me gjurin e tij.

Megjithatë, gjiganti angleze është i vendosur të ringjallë interesin e tyre në reprezentuesin francez, i cili tani është i lirë të largohet nga Lyoni.

Lexo po ashtu Të gjitha lajmet rreth Nabil Fekir

Fituesi i Kupës së Botës, Fekir, i cili është nën kontratë deri në vitin 2020 dhe ka shënuar 12 gola në të gjitha garat këtë sezon, i është dhënë leja për t’u larguar nga klubi që debutoi në vitin 2013.

“Efektivisht, Nabil është i larguar, sepse kemi një mirëkuptim se ai mund të largohet”, ka thënë fillimisht Aulas pas fitores 3-2 të premten ndaj Nimes.

“Faleminderit Nabil për gjithçka që solle, ne kemi një marrëveshje për ta lënë atë të shkojë”, përfundoi presidenti i Lyonit.

Fekiri ka bërë 192 paraqitje për klubin francez, duke shënuar 69 gola në të gjitha garat gjatë kohës së tij me Lyon, ndërsa ka bërë edhe 21 paraqitje me Francën. /Telegrafi/