Presidenca: Ekipi menaxhues prezantoi një draft-statut të ngjashëm me atë të Vojvodinës

Blerim Vela, shef i kabinetit të presidentes së Kosovës, Vjosa Osmani, ka thënë se ekipi menaxhues në takimin e së martës në Bruksel ka prezantuar një draft-statut për Asociacionin e komunave me shumicë serbe, që është shumë i ngjashëm me statutin e Vojvodinës.

Në llogarinë e tij në Twitter, Vela ka publikuar edhe pjesë nga draft-statuti i propozuar nga ekipi menaxhues dhe pjesë të statutit të Vojvodinës, duke e bërë krahasimin.

Lexo po ashtu Lirohet nga detyra Ekipi Menaxhues për hartimin e draft-statutit të Asociacionit

Ai është shprehur se një draft i tillë është i papranueshëm për institucionet e Kosovës, dhe si i tillë nuk do të kalojë.

“Synimi i tyre duket se është rikonstituimi i autoritetit autonom të Serbisë në Kosovë, njëlloj si Vojvodina, me synim të anulimit të institucioneve të Kosovës”, ka shkruar tutje Vela.

The ASMM Management Team submitted Serbia’s version of the statute, which is very similar to Vojvodina’s statute.

Their aim seems to be re-constitute Serbia’s autonomous authority in Kosovo, same like Vojvodina, with the aim to nullify the ?? institutions.

This ASMM won’t fly! pic.twitter.com/CJINtc12b2

— Blerim Vela (@Blerim_Vela) May 3, 2023

Ndryshe, ministri i Administrimit të Pushtetit Lokal, Elbert Krasniqi, ka bërë ditur të mërkurën se i ka liruar nga detyra anëtarët e ekipit menaxhues për hartimin e draft-statutit të Asociacionit të komunave me shumicë serbe./Telegrafi/