Pozitat e preferuara gjatë fjetjes për tretje më të mirë

Darka është një vakt që duhet ngrënë së paku tre orë përpara gjumit. Edhe nëse nuk i frenoheni dëshirës për ta respektuar këtë, duhet të hani diçka të lehtë nëse dëshironi të kaloni një natë të qetë

Një darkë e rëndë me gjasë nuk do ju lërë të mbyllni sy gjatë natës. Ngrënia para gjumit mund të shkaktojë shumë probleme dhe të pengojë pushimin e merituar gjatë natës.

Nëse hani ushqime pikante ose të yndyrshme me gjasë do të përballeni me simptomat e urthit dhe do të zgjoheni disa herë.

Pozicioni i fjetjes është një aspekt i rëndësishëm i rehatisë së natës, veçanërisht për njerëzit që kanë probleme me tretjen.

Përpara se të lexoni për pozicionet më të mira të gjumit për një tretje të mirë, është e nevojshme të familjarizoheni me rregullin e artë të ngrënies së darkës. Pra, nuk duhet të hani ushqim tre orë para gjumit.

Kjo hapësirë kohore i jep mundësinë organizmit ta tretë ushqimin me ritmin e vet dhe të përthithë të gjithë ushqyesit e nevojshëm dhe më pas t’i largojë mbetjet ushqimore.

Lexo po ashtu Sasia e gjumit për të cilën të rriturit kanë vërtet nevojë

Pozicioni i duhur i gjumit për një tretje të mirë

Nëse vuani nga urthi, ekspertët këshillojnë që ta mbani kokën ngritur në mënyrë që graviteti të zvogëlojë dhimbjen dhe parehatinë që shkakton ai.

Fjetja me kokën e ngritur pengon aciditetin e stomakut në rrugëtimin e tij drejt ezofagut, që është edhe pikënisja e këtij problemi.

Studimet tregojnë se të fjeturit në anën e majtë pengon simptomat e urthit gjatë natës, ndërkohë që fjetja në anën e djathtë shton parehatinë që shkakton urthi dhe aciditeti.

Nëse nuk arrini të flini në anën e majtë, vendosni një jastëk që do ju pengojë të rrotulloheni në anën e djathtë.

Fjetja përmbys mund ta përmirësojë tretjen, por vetëm për pak kohë sepse më pas ky pozicion shkakton harkim të shpinës, sidomos nëse dysheku nuk është cilësor. /Telegrafi/