‘Policia’ ngjitet në skenë për Noizyn, improvizohet arrestimi i reperit gjatë koncertit të tij në Tiranë

Reperi i njohur shqiptar, Noizy, i cili prej vitesh është një nga figurat më të përfolura në industrinë muzikore, ka bërë sërish bujë me një ngjarje të pazakontë gjatë një performance të tij në një nga klubet e Tiranës.

Skena nisi normalisht, me energjinë që vetëm Noizy di ta transmetojë tek publiku i tij, por befas situata u kthye në një spektakël të papritur kur disa persona të veshur si policë u ngjitën në skenë dhe ndërprenë performancën e artistit. Për habinë e fansave, ata “arrestuan” reperin para syve të tyre.

Ajo që fillimisht dukej si një ndërhyrje e vërtetë e policisë rezultoi të ishte një improvizim i menduar nga vetë artisti. Pas kësaj skene dramatike, Noizy u rikthye në skenë për të vazhduar performancën, duke e kthyer atë moment në një pjesë unike të shfaqjes së tij.

@cincocavalliclub #police #noizy #cincocavalli @Noizy ♬ Police Siren Sound Effect – Beats by Talent

Ky episod i veçantë dëshmon edhe një herë aftësinë e reperit për të surprizuar dhe argëtuar publikun, duke thyer kufijtë e pritshmërive me kreativitetin e tij.

Fansat e pranishëm e përshëndetën momentin me duartrokitje dhe entuziazëm, ndërsa rrjetet sociale u mbushën me video dhe komente për këtë “arrestim” të paparashikueshëm.

@cincocavalliclub Most Wanted @Noizy @supercrax #noizy #otr #varrosi #djcrax ♬ original sound – Cinco Cavalli Premium Club

Noizy vazhdon të mbetet një nga artistët më të dashur dhe të diskutuar në Shqipëri, duke e çuar karrierën e tij në nivele gjithnjë e më të larta përmes performancave që nuk harrohen lehtë. /Telegrafi/