Një nga alternativat më të mira të Tesla-s në treg thuhet se ka filluar të bëhet edhe më tërheqës.
Kështu shkruajnë mediat e huaja, sipas të cilave, Polestar të martën zbuloi sedanin Polestar 2 2024, përcjell Telegrafi.
Me rreze më të gjatë rrugëtimi, performancë të përmirësuar dhe pamje të përditësuar, sedani elektrik sportiv është bërë një konkurrent edhe më i ashpër i Modelit 3 popullor të Tesla-s.
Polestar 2 i rifreskuar merr një paketë baterie të përmirësuar që rrit rrezen deri në rreth 480 kilometra për versionin me një motor, me rrota të pasme.
Sedani vjen ende në një variant me dy motorë, me të gjitha rrotat.
Siç bëhet e ditur më tej, paketa e re gjithashtu mund të karikojë më shpejt se më parë, me një shpejtësi prej 205 kilovatësh.
Motorët e rinj, më të fuqishëm nënkuptojnë se Polestar 2 me një motor tani prodhon 299 kuaj fuqi (nga 231) dhe arrin 100 km/h në 5,9 sekonda.
Versioni me të gjitha rrotat tani ka 421 kuaj fuqi, duke lejuar një shpejtësi prej 0-100 km/h prej 4.3 sekondash, thotë Polestar.
Polestar nuk ka publikuar ende çmimet, por presim që Polestar 2 i ri të fillojë pak më lart se çmimi aktual prej 48,400 dollarë. /Telegrafi/
