“Po flija në stacion treni, nuk më ndihmove”, banori i ri i drejtohet balerinit Ilir Shaqiri për një ngjarje të ndodhur në vitin 2011

Në spektaklin e së martës (4 janar) në BB VIP hynë pesë banorë të rinj.

Njëri prej tyre ishte edhe balerini Eltion Merja, i cili në klipin e bërë posaçërisht për Big Brother VIP, i hodhi kunja balerinit që ndodhet prej muajsh në shtëpi, Ilir Shaqirit.

Ndërkaq, së fundmi në një diskutim me banorët ka folur rreth një situate të ndodhur në vitin 2011 në të cilën ishte i përfshirë Shaqiri.

Ai iu drejtua koreografit se nuk e ka mbështetur në periudhën më të vështirë që po kalonte në jetën e tij, edhe pse kishte mundësinë ta bënte.

Biseda nisi nga DJ Dagz, i cili e pyeti Ilirin se kush është ai që ka bërë komentin për të gjatë klipit prezantues. Në atë moment, Eltioni filloi të tregonte ngjarjen me Ilirin.

Më poshtë ua sjellim bisedën mes tyre:

Dj Dagz: O Ilir një koment për ty që ka thënë që ti je profesional, kush e ka bërë?

Iliri: Profesional ka thënë ky (i drejtohet Eltionit).

Dj Dagz: Nuk të ka pëlqyer kërcimi me robdishana?

Iliri: Ku ishin ato gjërat profesionale? E ka për Dancing ky…

Eltioni: Ndoshta e ke harruar si histori, kam një gjë të keqe shumë që nuk i harroj askujt asgjë dhe pse e vuj në kurriz.

Iliri: Jepi!

Eltioni: Nuk më ka pëlqyer situata në Romë kur ke qenë koreografi i muzikalit “Romeo dhe Zhuljeta”, që unë kam qenë në audicion dhe kam ndejt 2 orë e gjysmë në vijë të parë të audicionit dhe ti ke qenë ai që më ke kërkuar, hajde Eltion tregoja edhe të tjerëve si bëhet dhe si përfundim s’më zgjodhe që të isha kast i balerinëve profesionistë te “Romeo dhe Zhuljeta”.

Dj Dagz: A të kujtohet ky muhabet Ilir?

Iliri: As e mbaj mend fare.

Eltioni: Ke qenë koreografi apo jo?

Iliri: Po, i “Romeo dhe Zhuljetës”.

Eltioni: Në vitin 2011, shumë bukur, audicioni është bërë rreth orës 12.

Iliri: Po mo po kam qenë koreografi!

Eltioni: Kështu që unë atë periudhë kam kaluar periudhën më të keqe në Romë.

Iliri: Folëm bashkë atë ditë?

Eltioni: Patjetër, u përshëndetëm dhe nuk desha të thoja Ilir që “unë jam duke fjet në stacione treni dhe më ndihmo pak me këtë gjënë” sepse nuk jam tipi që them gjëra të tilla.

Iliri: Po as unë nuk jam tipi që i pyes njerëzit nëpër audicione që “ku ke fjetur?”

Eltioni: Kjo gjë nuk më ka pëlqyer që e thashë në klip dhe kam dashur ta diskutoj me ty. Do thuash ndoshta pse kaq vonë? Mund ta diskutonim edhe te Dancing por edhe aty kam parë një lloj nuk mund ta quaj distancim por një lloj barriere nga ti. Në tre vite Dancing nuk më ke bërë ndonjë vlerësim që ktë e ke bërë koregografinë më të mirë. Kjo gjë më ka dhembur. /Telegrafi/

* BIG Brother VIP Albania mund ta ndiqni ekskluzivisht në platformën IPKO, në dy kanale HD, të dedikuara posaçërisht për të ndjekur banorët e shtëpisë më të famshme në Shqipëri, 24/7, pa pagesë shtesë, të numëruara 30 dhe 31 në listën e kanaleve, si dhe përmbledhjen javore në kanalin TOP Channel.