Pioli: Jam i lumtur dhe krenar me ekipin tim, klubi meriton lëvdata për vitin 2020

Stefano Pioli ka thënë se lojtarët e Milanit “kanë një zjarr të ndezur brenda” dhe këmbëngul që ekipi dhe klubi në përgjithësi patën një vit të shkëlqyer.

Rossonerët e mbyllin vitin në krye të tabelës së Serie A pas një fitore të vonshme me rezultat 3-2 ndaj Lazios të mërkurën mbrëma në San Siro.

Pioli mblodhi lojtarët e tij në mes të fushës për të festuar me ta pas fishkëllimës së fundit dhe zbuloi se çka bisedoi me ta.

“Unë i thirra ata për t’i uruar Krishtlindjet, e dija se ata do të iknin më pas për t’u bashkuar me familjet e tyre”, ka thënë fillimisht Pioli për DAZN.

“Ne gjithmonë përpiqemi të fitojmë ndeshjet, ne e bëmë atë dhe unë jam me të vërtetë i lumtur, jam krenar për ekipin tim, ata po bëjnë diçka të pabesueshme”.

“Lazio ka cilësi të shkëlqyera dhe aftësi fizike, por ne patëm shanset për të fituar ndeshjen dhe e bëmë atë”.

“Ata ishin shumë agresivë, mesfushorët tanë luajtën një lojë intensive, ishte ajo që na duhej në një lojë kaq të vështirë”.

“Ne po fitojmë shumë ndeshje sepse kemi futbollistë të fortë, nuk do t’i ndryshoja me të tjerët”.

Ku duhet të përmirësohet Milani?

“Klubi meriton lavdërime për vitin 2020. Ata po na ndihmojnë të punojmë në mënyrën më të mirë të mundshme. Ata më dhanë futbollistë të fortë dhe të rinj”.

“Ata janë të gjithë të vetëdijshëm për cilësitë e tyre dhe unë pres që të shohin të njëjtat gjëra në 2021. Ne nuk jemi perfekt. Ka shumë gjëra që duhet të zgjidhim. Nuk mund të dominojmë gjithmonë ndeshjet, është normale, kur nuk e bëjmë atë, duhet të jemi kompaktë dhe të vuajmë”.

“Ne kemi luajtur shumë ndeshje, shpresoj që lojtarët e dëmtuar të kthehen së shpejti. Ishte e vështirë të bëje rotacion, por këta njerëz kanë një shpirt. Tifozët na pritën në stadium sot, ata po na japin shumë”.

A do të nënshkruajnë Rossonerët me lojtarë të rinj në janar?

“Nëse do të ketë një mundësi, do të përpiqemi ta përmirësojmë këtë ekip, por unë jam i lumtur për këtë ekip. Ne do të mbajmë të njëjtin pasion dhe vendosmëri. Ka shumë lojtarë të rinj që kanë hapësirë ​​për përmirësim”.

“Ne kemi arritur objektivat tona këtë vit, jemi udhëheqësit e tabelës. Ne kemi një zjarr që digjet brenda dhe duhet ta lëmë të ndezur”, përfundoi italiani. /Telegrafi/