Pioli flet pas disfatës nga Juventusi: Nuk ishim inferiorë as me 10 futbollistë në fushë

Milani ka pësuar humbje minimale para adhuruesve të vet 1-0 nga Juventusi në derbin e Serie A.

Rossonerët në pjesën më të madhe të ndeshjes luajtën me një futbollist më pak në fushë pas përjashtimit të Malick Thiaw në minutën e 40-të.

Trajneri i Milanit, Stefano Pioli ka folur pas ndeshjes duke thënë se luajtën mirë edhe pse ishin me 10 futbollistë në fushë.

“Nuk i thashë asgjë skuadrës. Nuk mendoj se është koha e duhur për të folur pas ndeshjes. Ka shumë tension dhe zhgënjim. Nuk është rezultati që ne prisnim. Bëmë një ndeshje të mirë, por mund të ishim më të kujdesshëm. As me 10 lojtarë nuk ishin inferiorë”.

Lexo po ashtu Juventusi largohet me tri pikë nga "San Siro" - Milani lëshon kreun

“Është e trishtueshme të humbasësh një ndeshje si kjo. Kam bërë zgjedhjen që të kem inferioritetin numerik përpara me të njëjtën strukturë mbrojtëse. Mendova të largoja një sulmues me shpresën për të sjellë mesfushorë”.

“Ne filluam mirë në pjesën e dytë, por më pas pati mungesë intensiteti, veçanërisht në gjysmën tonë të fushës. Nuk i dhamë Juventusit ndonjë mundësi të madhe. Me pak më shumë vëmendje mund të kishim arritur rezultatin”.

Lexo po ashtu Notat e lojtarëve: Milan 0-1 Juventus, shkëlqeu Locatelli

“Ne mund të ishim mbrojtur ndryshe në atë situatë edhe për shkak të cilësisë së Çaut. Gatti bëri shumë faulle. Ekziston rregullorja që thotë se nëse merrni kartona të verdhë të përsëritur, atëherë paralajmërimi aktivizohet”.

“Ne duhej të mbushnim pak më shumë zonën në pjesën e parë për të pasur më shumë zgjidhje dhe prezencë. Mendoj se Jovic hyri mirë. Ai e mbajti topin dhe po përmirëson gjendjen e tij. Edhe Okafor ia doli mirë në ato situata. Ai ka cilësi të ndryshme se Jovic, është një lojtar më i thellë”, tha Pioli. /Telegrafi/