Pioli: Bëmë shumë pak që të fitonim me Sampdorian

Trajneri i Milanit, Stefano Pioli e ka pranuar që lojtarët e tij nuk bën sa duhet që ta mposhtnin Sampdorian në ndeshjen që u mbyll baras 1-1.

Rossonerët u kthyen nga pushimi me një barazim kundër Sampdorias në “San Siro”, por ishin afër të merrnin një fitore, nëse Franck Kessie të ishte më i saktë në kohën shtesë.

“Jam plotësisht dakord [ne bëmë shumë pak]. Edhe nëse mund ta kishim fituar me Kessie në fund”.

“Ne bëmë shumë pak, kemi luajtur pa ritëm dhe qasja jonë nuk ishte e duhur. Ishte një ndeshje e komplikuar për ne”, ka thënë Pioli për Milan TV.

“Sot, kishte më pak ritëm, ne favorizonim mbrojtjen e tyre, e cila ishte e organizuar mirë. E kam të vështirë të jem i lumtur”.

“Paraqitja duhej të ishte e ndryshme, kishte të gjitha situatat e duhura për të luajtur me më shumë intensitet dhe cilësi”.

#MilanSampdoria ends in a draw ❌

Finisce in parità a San Siro ❌#SempreMilan@emirates pic.twitter.com/rgWfJYJwP6

— AC Milan (@acmilan) April 3, 2021

“Kjo duhet të na zhgënjejë dhe të hidhërohemi, tani duhet të tregojmë se mund të fillojmë përsëri dhe atë menjëherë”, deklaroi trajneri italian. /Telegrafi/