Piling prej bajameve

Bajamet e mbajnë lëkurën elastike nga dëmtimi dhe kjo është arsyeja pse vaji dhe qumështi i bajameve janë nga përbërësit kryesorë në prodhimet e kremrave të lëkurës.

Pilingu prej bajamesh nuk e largon ngjyrën e fytyrës, por vetëm pjesën e sipërme të qelizave të dëmtuara dhe në këtë mënyrë e bën lëkurën më të butë dhe i jep ndriçim. Ky piling do t’ju relaksojë, do të përmirësojë gjumin dhe i zvogëlon dhimbjet e shkaktuara nga migrena. I çliron muskujt dhe ju çliron nga stresi.

Për përgatitjen e këtij propozimi të thjeshtë ju nevojiten: 2/3 bajame të grira, 1/3 gotë me pure drithërash dhe një ose dy lugë jogurt. Sipas dëshirës mund të shtoni edhe disa pika esencë prej farës së karotës. Përziejini bajamet e grira dhe tërshërën derisa të fitoni në pluhur të mirë. Pastaj shtoni jogurtin dhe trazojini mirë.

Me lëvizje rrethore vendoseni pilingun, në të gjithë trupin. Në fund shpëlahuni me ujë të vakët dhe lëkura do të jetë e butë, e freskët dhe e ndritshme si mëndafsh.

Në fund, ju këshillojmë të mos e përdorni këtë piling nëse lëkura ka pezmatime dhe është e irritua. /Telegrafi/