Petrovska: Dhuna nuk çon askund, besoj se do të vazhdojë dialogu mes Kosovës dhe Serbisë

Ministrja e Mbrojtjes së Maqedonisë së Veriut, Sllavjanka Petrovska beson se dialogu ndërmjet Kosovës dhe Serbisë do të vazhdojë dhe se do të gjendet zgjidhja më e pranueshme, përcjell Telegrafi Maqedoni.

Në pyetjen e gazetarëve për zhvillimet në veri të Kosovës, Petrovska theksoi se duhet gjetur një zgjidhje që nuk do të dëmtonte asnjërën nga palët dhe ritheksoi përkushtimin e vendit tonë për paqen, stabilitetin dhe sigurinë në rajon.

“Vendimin e autoriteteve të Kosovës do ta shënoj si të gabuar. Në kushtet kur të gjithë po avokohemi që çështjet e Pandorës të zgjidhen me dialog, përdorimi i dhunës nuk na çon askund.

Besoj se do të gjendet mënyra për të ndryshuar atë vendim dhe se dialogu ndërmjet Kosovës dhe Serbisë do të vazhdojë me qëllim të gjetjes së zgjidhjes më të pranueshme që absolutisht nuk do të dëmtojë asnjërën nga palët.

Republika e Maqedonisë së Veriut është peng dhe përkrahës i fuqishëm i paqes, stabilitetit dhe sigurisë në rajon”, tha Petrovska./Telegrafi/