Pësoi tre gola, por Berisha mbetet më i miri

Etrit Berisha ndoshta për shumëkënd nuk e ka nisur mirë aventurën e tij me Atalantën pasi pësoi tre gola ndaj Cagliarit.

Por portieri shqiptar po cilësohet si hero i zi kaltërve nga mediat italiane pasi ka shpëtuar nga shumë gola skuadrën e tij.

Pas përfundimit të takimit, Berisha u vlerësua me notën më të madhe tek skuadra e Atalantës 7.

E përditshmja bergamase, ‘Bergamopost.it’, ka shkruar një titull interesant “Falë zotit që ishte Berisha”.

Lexo po ashtu Të gjitha lajmet nga Shqiptarët nëpër botë

“Debutim i mrekullueshëm për Berishën edhe pse skuadra pësoi tre gola. Nuk mundi të bënte asgjë në rastin e golit të Borriellos, por ishte fantastik në minutën e 34-të përballë Sau dhe pritje e shkëlqyer përsëri ndaj Borriellos pesë minuta më vonë”.

“Ishte minuta e 54-të kur Joao Pedro tentoi të shënoi por Berisha shpëtoi portën ashtu si në minutën e 71-të dhe në fund të takimit. Në golin e Sau nuk pati se çfarë të bënte pasi ishte devijim, ndërsa u dorëzua tek goli i Borriellos”, shkruhet në faqen ‘Bergamopost.it’.

Pas kësaj paraqitje mbetet të shihet nëse në ndeshjen e radhës ku Atalanta pret në shtëpi Palermos do të qëndroi Berisha apo do të rikthehet Sportiello. /Telegrafi/