Manchester United është duke e kërkuar me ngulm një sulmues për afatin kalimtar të janarit, pasi ata aktual nuk po munden ta gjejnë golin.
Ole Gunnar Solskjaer ka kërkuar nga Djajtë e Kuq që në afatin e dimrit ta transferojnë një sulmues në mënyrë që të zgjidhin problemin e golave.
Sipas SunSport, United ka një listë prej pesë sulmueseve që do të tentojnë t’i transferojnë në afatin e janarit:
Ole Gunnar Solskjaer
Mario Mandzukic – Juventus
Zonja e Vjetër është e gatshme që ta shesë sulmuesin kroat në afatin e janarit, pasi në vern e vitit 2020 do të largohet si lojtar i lirë.
Lojtari 33-vjeçar ishte kërkuar edhe në këtë verë nga skuadra angleze, mirëpo marrëveshja nuk materializua në fund.
Teemu Pukki – Norwich
Sulmuesi finlandez i ka impresionuar të gjithë me formën e tij në këtë fillim sezon te Norwichi, andaj shumë klube të mëdha janë vënë pas tij.
Në sezonin e kaluar Pukki arriti t’i shënonte 30 gola në të gjitha garat, andaj kjo ka bërë që United t’i kërkojë shërbimet e tij.
Callum Wilson – Bournemouth
Sulmuesi anglez ishte kërkuar nga Djajtë e Kuq edhe në verën që shkoi, mirëpo kundërshtari i tyre nga liga angleze refuzoi ta shiste atë.
Wilson ka zhvilluar deri më tani 98 paraqitje duke shënuar 38 gola në Ligën Premier në pesë sezone.
Moussa Dembele – Lyon
Sulmuesi francez u largua nga Celticu në afatin kalimtar veror për te Lyoni, e që nga starti po tregon formë të lartë.
Dembele deri më tani ka shënuar gjashtë gola në Ligue 1, ndërsa te Celticu kishte realizuar 15 gola në 33 paraqitje.
Victor Osimhen – Lille
20-vjeçari është më pak i njohur nga futbolldashësit, mirëpo statistikat e tij fantastike nuk i kanë ikur syrit të Unitedit.
Në këtë fillim sezon, Osimhen ka arritur të shënojë gjashtë gola në shtatë paraqitje për klubin francez, andaj Ole Gunnar Solskjaer e ka futur në listën e transferimeve për janar. /Telegrafi/
