Shëndetësi Ushqimi dhe Dieta Të njohim produktet

Pesë karbohidratet e pashëndetshme, qëndroni larg tyre

(Foto: Pexels)

Para 1 viti

Kur dëgjoni fjalën karbohidrate, shanset janë që menjëherë të mendoni për ushqime si makarona dhe bukë ose dietat që kërkojnë eliminimin e të gjitha karbohidrateve për të lehtësuar humbjen e shpejtë të peshës.

Megjithatë, karbohidratet vijnë në shumë forma dhe shërbejnë si burimi kryesor i energjisë për sistemin tuaj nervor. Përpara se të zgjidhni cilat karbohidrate t’i përfshini në vaktet tuaja, është e rëndësishme të dini se jo të gjitha janë krijuar të barabarta.

Për shembull, trupi juaj do të reagojë ndryshe ndaj karbohidrateve të një pije të gazuar në krahasim me ato të frutave ose fasuleve. Të gjitha karbohidratet mund të jenë pjesë e një diete të shëndetshme, por ka disa që duhet t’i kufizoni në zakonet tuaja të përditshme të të ushqyerit.

Karbohidratet që përgjithësisht konsiderohen si më të pashëndetshmet janë format e sheqerit të shtuar. Sheqeri i bardhë i grimcuar me të cilin ua shtoni brumërave që piqni, shurupet e ëmbëlsuar që shtoni në kafe dhe ëmbëltuesit e tjerë të shtuar në ushqimet e zakonshme shpesh përmbajnë sheqer të shtuar.

Jogurt me shije

Jogurti i thjeshtë mund të jetë një burim i shkëlqyer i lëndëve ushqyese të rëndësishme, si kalciumi, proteinat dhe probiotikët. Fatkeqësisht, shumë jogurtë me aromë janë gjithashtu të ngarkuar me sheqer të shtuar. Derisa kjo nuk i mohon atributet pozitive të jogurtit, e bën jogurtin me shije një opsion më pak ideal. Në vend të tij, blini jogurt të thjeshtë dhe shtoni shijen tuaj me fruta të freskëta. Nëse preferoni jogurt me shije të blerë në dyqan, kërkoni opsione pa sheqer të shtuar.

Simite

Kush nuk i pëlqen kiflet apo krofnet e sapopjekura për fundjavë? Derisa përmbajtja e sheqerit në disa krofne ose kroasanë të mbushur me çokollatë është shumë më e dukshme, mund të habiteni nga përmbajtja e sheqerit në produkte të tjera të pjekura. Kiflet e përgatitura në treg janë një burim famëkeq i sheqerit të shtuar dhe shumë prej tyre janë jashtëzakonisht të pasur me yndyrë.

Kjo i bën ato një burim jo të shëndetshëm të karbohidrateve dhe një ushqim që duhet ta kufizoni në dietën tuaj. Në vend të kifleve të blera në dyqan, provoni t’i bëni vetë n shtëpi duke përdorur miell gruri dhe mjaltë në vend të sheqerit të shtuar tradicional. Hidhni disa karota ose kunguj të njomë të copëtuar për një rritje shtesë të fibrave për t’i bërë ato edhe më të shëndetshme.

Tortillat

Tortillat, të cilat shpesh mbushen me djathë, janë padyshim produkti kryesor në shumë familje. Ngjashëm me bukën e bardhë, tortillave shpesh u mungojnë fibra dhe mund të përmbajnë sheqer të shtuar. Produktet e bëra me miell të bardhë, të tilla si buka e bardhë dhe tortillat, zakonisht janë të fortifikuara me disa vitamina dhe minerale, por mund të jenë më pak ngopëse sesa opsionet e grurit të plotë. Kur zgjidhni tortillat, shikoni për opsionet e grurit të plotë ose zgjidhni tortillat e misrit, të cilat zakonisht bëhen me disa përbërës, duke i bërë ato një burim më të shëndetshëm karbohidratesh.

Akullorja

Ashtu si ëmbëlsirat, akullorja përmban kalori, sheqer të shtuar dhe yndyra të ngopura. Një shërbim gjysmë filxhani mund të përmbajë mbi 200 kalori dhe le të jemi realist, shumica prej nesh i shërbejnë vetes një pjesë më të madhe. Edhe pse jogurti i ngrirë ka më pak kalori për shkak të përmbajtjes më të ulët të yndyrës, ai është gjithashtu një burim i sheqerit të shtuar. Në vend të akullores tradicionale, provoni të bëni ‘krem të mirë’ në shtëpi duke përzier bananet e ngrira me pak gjalpë arrash dhe duke i mbuluar me copëza çokollate me pak sheqer.

Kafeja e ëmbëlsuar

Një filxhan kafe e zezë e zakonshme ka shumë pak kalori dhe nuk përmban sheqer. Megjithatë, shtoni aromatizues, shurupe dhe hollues, dhe do të keni një pije plot sheqer. Pijet e njohura të ëmbëlsuara të kafesë mund të përmbajnë qindra kalori dhe më shumë sheqer sesa është e shëndetshme për t’u konsumuar gjatë gjithë ditës. Nëse kafeja e zezë nuk ju ndihmon, provoni ta ëmbëlsoni kafenë me stevia ose përdorni qumësht për të ulur aciditetin në vend të sheqerit. Një latte pa sheqer është një opsion i shkëlqyeshëm që përmban proteina pa sheqer të shtuar, duke e bërë një pije më të shëndetshme kafeje. /Telegrafi/