Përshtatni grimin që të dukeni më e re

Duke qenë se grimi definon dhe zbukuron pjesët e fytyrës, industria e bukurisë ofron shumë mënyra që të dukeni më e re, por metodat më të suksesshme kryesisht janë operacionet plastike. Fatmirësisht, ka mënyra që të dukeni më e re në mënyrë vizuale dhe duke bërë këtë nuk keni nevojë të hyni nën brisk.

HIJET

Përdorni ngjyra neutrale

Largoni nga përdorimi hijet me nuancë të kaltër, gjelbër dhe rozë. Grimi që të bën më të re bazohet në nuanca neutrale dhe natyrore.

Si bazë përdorni hijet me ngjyrë të fildishtë, bezhe, kajsie ose rozë të butë. Buzë syrit përdorni hije me nuanca ngjyrë kafeje, vjollce dhe hiri-kaltër, transmeton Telegrafi.

Struktura e mëndafshit është ideale

Hijet me strukturë mat shtojnë vitet, e ato margaritare theksojnë rrudhat dhe të gjitha mangësitë e lëkurës. Për këtë arsye zgjidhni hijet me strukturë të mirë mëndafshi me shkëlqim diskret dhe mos vendosni maskara në qerpikët e poshtëm.

BUZËKUQI

Theksoni ngjyrat natyrore

Buzëkuqtë duhet të jenë të toneve natyrore, prej të cilëve fytyra duhet të duket e freskët dhe të duket e re. Efekt i tillë më së miri arrihet me zgjedhje të nuancave rozë, bezhe-rozë, kajsie dhe të nuancave të ngjyrës së kuqe korale. Assesi mos përdorni nuanca të ndritshme dhe të errëta të buzëkuqve por jo edhe ato tepër të ndritshme.

Hiqni dorë nga buzëkuqtë e me qëndrueshmëri të gjatë, si dhe tyreve mat, sepse thajnë buzët dhe theksojnë rrudhat. Shkëlqyesit e buzëve hyjnë në pore dhe pastaj buzët duken më të vjetra, kështu që edhe ata i hidhni nga koleksioni i juaj i grimit.

Zgjidhja më e mirë për femrat së moshës së mesme dhe ato më të vjetra janë buzëkuqtë e lagësht. Është e vërtetë se do të duhet të kujdeseni më shpesh për buzë, por përpjekjet tuaja do të paguhen.

PUDRA

Freskoni dhe thjeshtësoni tenin

Në moshë të vjetër lëkura duket si e pajetë, për këtë arsye evitoni përdorimin e pudrave me shtresa të trasha dhe përdorimin e korrektorëve të thatë. Nëpër parfumeri tani ka pudra për lëkurë të thatë të cilët përdoren lehtë dhe gjatë kësaj edhe ushqejnë dhe lagështojnë fytyrën.

Rregulla e paraleleve

Me kalimin e viteve vetullat lëshohen poshtë së bashku me lëkurën dhe linjën e tyre duhet korrigjuar që të duken si janë dukur dikur. Ato nuk duhet të jenë të rrafshëta, por të lakuara si shushunjat. Pjesa më e madhe duhet të jetë paralele me këndin e jashtëm të syrit. /Telegrafi/