Përjashtim, hetim nga policia, gjobë: Çfarë pritet t’i ndodhë Valverdes për rastin me Baenan

Ka shumë polemika rreth Federico Valverdes në këtë moment, pas një incidenti me Alex Baena të Villarrealit që ndodhi pas humbjes së Real Madridit ndaj Nëndetëses së Verdhë të shtunën në mbrëmje.

Është raportuar se uruguaiani ka goditur me grusht Baenën në zonën e parkimit të Santiago Bernabeut, pas komenteve të supozuara të këtij të fundit për për fëmijën e palindur të Valverdes.

Rrethi i Valverdes ka pranuar se mesfushori i Real Madridit goditi Baena, gjë që mund ta hapë atë ndaj sanksioneve nëse lojtari i Villarrealit vendos të ndjekë çështjen. Më tej, disa dëshmitarë okularë thuhet se e kanë parë ngjarjen, ndërsa pretendohet se është kapur edhe nga një kamera sigurie aty pranë.

Lexo po ashtu Baena mohon të jetë tallur me Valverden për humbjen e fëmijës së tij

Sipas Marcas, ka disa sanksione të mundshme për Valverden. Edhe pse incidenti nuk u përfshi në raportin e ndeshjes së gjytqarit, Baena mund ta raportonte incidentin në Komitetin e Garave pasi ndodhi brenda terrenit të Bernabeut, gjë që mund të rezultojë në një ndalim sportiv për Valverden. Përndryshe, Baena mund ta raportonte çështjen në polici, gjë që mund të rezultojë në kallëzim penal.

Megjithatë, Villarreal dhe Baena mund të vendosin kundër ndjekjes së çështjes, gjë që mund të nënkuptojë se Valverde nuk dënohet nga asnjë organ, megjithëse nëse Policia Kombëtare që ishte e pranishme në skenën e sherrit vendos ta raportojë vetë në Anti-Dhunë, ai mund të ende të sanksionohet.

Lexo po ashtu Valverde e priti në parking dhe e sulmoi me grusht Baenan, publikohet video me fytyrën e fryrë të yllit të Villarrealit

Baena besohet se po shqyrton opsionet e tij për momentin, dhe mbetet për t’u parë se çfarë vendos të bëjë më pas.

Ndërkohë, Valverde do të vazhdojë përgatitjet për ndeshjen e parë çerekfinale të Ligës së Kampionëve të Real Madrid kundër Chelseat të mërkurën. /Telegrafi/