Përfundon pjesa e parë mes Napolit dhe Milanit: Rossonerët në epërsi prej dy golash

Ka përfunduar me epërsi të dyfishtë të Rossonerëve pjesa e parë mes Napolit dhe Milanit, ndeshje kjo e vlefshme për javën e dhjetë në Serie A.

Milan rrezikoi e para, kur në minutën e dytë Olivier Giroud pati një mundësi shënimi por goditja e tij u bllokua.

Në minutën e 19-të, Stefano Pioli u detyrua të bëjë zëvendësimin e parë në këtë sfidë pas lëndimit që pësoi Pierre Kalulu dhe në vend të tij hyri Marco Pellegrino.

Golin e avantazhit Milani e gjeti në minutën e 22-të përmes Olivier Giroud i cili me kokë shënoi për 1-0 pas asistimit fantastik të amerikanit Christian Pulisic.

What a cross from Pulisic to Giroud😳🔥 https://t.co/g7mag7Gqic

— 🦅 (@nemaccer) October 29, 2023

Vendasit patën një mundësi të mirë shënimi me Matteo Politanon por gjuajtja e tij brenda zonës përfundoi jashtë kuadratit të portës.

Milani dyfishoi epërsinë në minutën e 31-të ku përsëri protagonist ishte Olivier Giroud. Francezi shfrytëzon për mrekulli krosimin e Davide Calabrias për të shënuar përsëri me kokë për ta çuar rezultatin në 2-0.

https://twitter.com/centregoals/status/1718723714697556310

Tani mbetet të shihet reagimi i napolitanëve në pjesën e dytë, pas paraqitjes së zbehtë në 45 minutëshin e parë./Telegrafi/