Për t’u liruar nga burgu, Noizy ofroi garanci pasurore në vlerë 50 mijë euro

Reperi i njohur shqiptar, Rigels Rajku, i njohur në publik si Noizy, është liruar nga paraburgimi pas një vendimi të marrë nga Gjykata e Durrësit.

Ky vendim vjen pas një incidenti që kishte ndodhur në një diskotekë në Pejë, ku Noizy u arrestua dhe u mbajt në paraburgim për shkak të dyshimeve të përfshirjes në një përleshje.

Gjykata e Durrësit, pas shqyrtimit të rastit, vendosi që Noizy të lirohet nga paraburgimi, por me kushtin e caktimit të një garancie pasurore prej pesë milionë lekësh (afërsisht 50 mijë euro). Kjo garanci është vendosur si alternativë ndaj masës së sigurisë “Arrest në burg”, sipas nenit 237 të Kodit të Procedurës Penale të Shqipërisë.

Sipas vendimit, Noizy është i detyruar të depozitojë këtë shumë brenda një periudhe prej pesë ditësh. Deri në momentin e depozitimit të shumës, ai duhet të qëndrojë nën masën e sigurisë “Arrest në burg”.

Pas depozitimit të garancisë, prokuroria duhet të njoftohet menjëherë dhe të verifikojë dokumentacionin përkatës. Në rast se gjithçka është në rregull, prokuroria është e detyruar të urdhërojë lirimin e menjëhershëm të reperit.

Ky vendim i gjykatës shënon një zhvillim të rëndësishëm në rastin e Noizyt, duke theksuar se ndërsa ai është liruar nga paraburgimi, garancia pasurore e vendosur është një masë që synon të sigurojë paraqitjen e tij në procedurat e mëtejshme gjyqësore.

Ndërkohë, palët e interesuara kanë të drejtën të apelojnë këtë vendim brenda pesë ditëve në Gjykatën e Apelit të Juridiksionit të Përgjithshëm.

Këto janë vendimet e merra nga Gjykata e Durrësit:

1. Pranimin e kërkesës së Prokurorisë pranë Gjykatës së Shkallës së Shkallës së Parë të Juridiksionit te Përgjithshëm Durrës.
2. Caktimin me qëllim ekstradimi, ndaj shtetasat R. Rajku, te masës së sigurimit “Garancia Pasurore parashikuar nga neni 237 i Kodit të Procedurës Penale si alternativë e masës së sigurimit “Arrest ne burg”,parashikuar nga neni 238 i Kodit të Procedurës Penale.
3. Garancia pasurore parashikuar nga neni 237 i Kodit te Procedurës Penale caitohet në shumën 5.000.000 pesë milion) Lekë.
4. Garancia pasurore duhet të depozitohet brenda nje afati 5 (pesë) ditor. Shtetasi R.Rajku të qëndrojë me mesë sigurimi “artest në burg”, deri në depozitimin e garancisë pasurore. Pas depozitimit të shumës përkatëse duhet të njoftohet menjehere prokurori, i cili në çdo rast jo më vonë se 24 orë nga njoftimi për depozitimin e shumës së garancisë pasurore, duhet të verifikojë dokumentacionin përkatës, dhe të urdhëroje, sipas rastit, lirimin e menjëhershëm te personit nën hetim ose konfirmimin e masës së sigurimit “Arrest në burg” parashikuar nga neni 258 i Kodit të Procedures Penale
5. Ngarkohet Prokuroria pranë Gjykatës së Shkalles së Parë te Juridiksionit të Përgjithshëm Durës në bashkëpunim me policinë gjyqësore për ekzekutimin e ketij vendimi.
6. Ky vendim t’i njoftohet menjëherë Ministrit të Drejtësisë së Republikës së Shqiperise.
7. Kundër këty vendimi mund të bëhet ankim brenda 5(pese) ditëve në Gjykatën e Apelit të Juridiksionit të Përguthshëm, duke filluar ky afat nga e nesermja e njoftimit të vendimit të arsyetuar.
U shpall në Durrës, më datë 16.08.2024. /Telegrafi/