Për herë të parë punëtoret e seksit në Maqedoni fitojnë gjyqin

Për herë të parë në Republikën e Maqedonisë, punëtoret e seksit kanë fituar gjyqin. Gjykata themelore Shkupi 2, në gjykimin e përsëritur, pjesërisht ka pranuar padinë e tyre për një aksion të MPB-së për shuarjen e prostitucionit rrugor më 2008, transmeton Telegrafi.

Këtë e ka bërë të ditur shoqata HOPS para gazetarëve, ndërkaq gjatë aksionit policor të vitit 2008, ”Shuarje e prostitucionit rrugor”, u arrestuan 32 persona, nga të cilat 23 ishin punëtore seksi. Policia i mbajti këta persona për 20 orë në kushte të këqia, kurse të nesërmen i dërgoi në testin HIV dhe për Hepatitis C, pa pëlqimin e tyre.

Avokatja Hajdi Shterjova – Simonoviq tha se për herë të parë gjyqi popullor vërtetoi se të drejtat e njerëzve vlejnë për të gjithë njësoj dhe të njejtat duhet të respektohen nga organet përgjegjëse dhe institucionet, ndërkaq gjykata vendosi që pesonave të arrestuar në akcionin policor të lartpërmendur t’u jepet dëmshpërblim për përjetim të dhimbjes fizike dhe shpirtërore./Telegrafi/