Për dy muaj 188 qytetarë kanë kërkuar vërtetime nga FSSh për sëmurje jashtë vendit

Nga 1 korriku ky vërtetim vlen edhe për Republikën e Shqipërisë ndërsa me Greqinë vend jonë akoma nuk ka marrëveshje për sigurim social, transmeton Telegrafi Maqedoni.

Gjithsej 188 formularë dygjuhësorë ka lëshuar Fondi për shëndetësi (FSShM) në maj dhe qershor, qytetarëve të cilët do të shkojnë në pushime jashtë vendit ose dëshirojnë të sigurohen që do të pranojnë kontroll mjekësor nëse për sa kohë janë jashtë vendit do të kenë nevojë për një gjë të tillë.

Për vitin e kaluar për pushim veror ose udhëtim turistik kanë qenë 300 nga gjithsej 1.750 formularë të lëshuar nga Fondi për shërbime urgjente dhe të domosdoshme shëndetësore jashtë vendit. Me këtë dokument ju garantohet pranimi i ndihmës mjekësore. Për shembull, nëse ndjeheni keq, nëse priteni apo ju kafshon ndonjë insekt.

Po ashtu janë të mbuluara edhe intervenimet e domosdoshme për largimin e rrezikut për jetën, derisa të mundësohet kthimi në vendin amë të persona të siguruar të FSShM.

Vërtetimet për qëndrim të përkohshëm (turistik/pushim/) lëshohen në kohëzgjatje prej 30 ditësh – sqarojnë nga Fondi.

Ku dokument vlen për 17 shtete me të cilët Maqedonia ka marrëveshje për sigurim social. Nga vendet turistike në mesin e shteteve janë Turqia, Kroacia, Mali i Zi, Bullgaria, Italia, ndërsa nga një korriku ky vërtetim vlen edhe për Shqipërinë, por jo dhe për Greqinë.

Vendet tjera ku vlen kjo marrëveshje janë Gjermania, Austria, Sllovenia, Serbia, Bosnja dhe Hercegovina, Çekia, Holanda, Luksemburgu, Belgjika, Franca dhe Sllovakia.

Varianti tjetër është të blini sigurim pasagjerësh. Dallimi është dokumenti i dytë vlen ku do që të doni, e jo vetëm te shtetet me të cilat FSSh ka marrëveshje. Sigurimi i pasagjerëve kushton përafrsisht 200 denarë për periudhë 15 ditore./Telegrafi/