Dega e PDK-së në Prizren, përmes një komunikate për media ka drejtuar akuza ndaj udhëheqjes së Komunës së Prizrenit, ku kryetar është Mytaher Haskuka.
PDK pretendon se në këtë komunë ka ndërhyrje të eprorëve politik, ndaj punëtorëve profesional , nëpër komisione të ndryshme, jo vetëm për tenderë.
PDK potencon se shefja e kabinetit të kryetarit, Krenare Koqi dhe Levent Kasëmi drejtor, e kontrollojnë çdo dosje të tenderit, përkatësisht i bëjnë kushtet dhe kriteret në dosje të tenderit.
Njoftimi i plotë:
Një nga indikatorët e performancës, në këtë rast të kryetarit të Prizrenit z. Mytaher Haskukës, të stafit të tij të ngushtë por edhe të drejtorëve që ai i ka zgjedhur, është edhe një dukuri, e cila dukshëm kufizon kapacitetet, për të menaxhuar me komunën, në të gjitha aspektet dhe të gjitha segmentet e saja.
Flasim për:
Ndërhyrjet sistematike të eprorëve politik, kundrejt punëtorëve profesional, nëpër komisione të ndryshme, jo vetëm për tendere.
Duke u bazuar në ligjin për prokurimin publik, në udhëzuesin dhe rregullat e prokurimit publik, zyra e prokurimit, ka kompentencë dhe obligim ligjor të pregadis dosjen e tenderit, përkatësisht kushtet dhe kriteret.
Njësitë kërkuese, në këtë rast drejtoritë përkatëse, kanë kompetencë dhe obligim ligjor, të pregadisin paramasat dhe parallogaritë, projektin detal ose ideor, si dhe termat e referencës.
Në këtë kontekst, ajo që po ndodh, është shkelje ligjore:
Konkretisht flasim me emra: znj. Krenare Koqi-shefe e kabinetit të kryetarit si dhe z. Levent Kasëmi një nga drejtorët e akuzuar, në mënyrë antiligjore, e kontrollojnë çdo dosje të tenderit, përkatësisht i bëjnë kushtet dhe kriteret në dosje të tenderit.
Këta dy zyrtarë, i pregadisin kushtet dhe kriteret enkas për një entitet ekonomik. Për shembull e vendosin si kriter një material, që e ka vetëm një biznes dhe që ka monopol, për t’i dhënë atij biznesi përparësi në tender, e që ky veprim është antiligjor. Këtë e bëjnë në bashkëpunim me një familijar të afërt të znj. Krenare Koqit.
Ky person direkt apo indirekt, bënë ndërhyrje dhe pazare me biznese të caktuara për ta dhënë – marr një tender, pra kemi veprime të tipit jep e merr, atë që në fakt po e shohim edhe në nivel qendror dhe si pasojë e kësaj mënyre të mendimit dhe veprimit, nuk po mundet as qeveria të formohet, tash e sa muaj të tërë.
Shkelje tjera nga këta dy persona zyrtar janë:
• Ndërhyrjet në komisionet e vlerësimit të tenderëve;
• Ndërhyrjet në komisionet e pranimit të punëtorëve;
• Ndërhyrjet në komisionet e shpërndarjes së donacioneve të bujqësisë;
• Ndërhyrjet në komisionet e ankesave dhe komisioneve diciplinore, karshi punëtorëve të komunës;
• Ndërhyrjet në zyrën ligjore dhe në zyrën e auditimit.
Për të gjitha këto ndërhyrje, ka reagime të personave të dëmtuar, porse nga frika e pasojave nga zyrtarët komunal, të cilët i’u kërcënohen, nuk po guxojnë të dalin publikisht dhe të flasin lirshëm.
Ka informacione të besueshme, se zyrtarët në fjalë, nuk hezitojnë që edhe përmes e-mailave zyrtare, të japin instrukcione rreth veprimeve antiligjore, për kurdisje të tenderëve.
Ne nuk mund të kemi qasje në këto të dhëna, prandaj ftojmë organet e drejtësisë, që të mirren me këto çështje dhe të veprojnë konform kompetencave të tyre ligjore.
Momenti tjetër në këtë kontekst është edhe: Skadimi i kontratës së furnizimit me rrymë dhe mirëmbajtjes së ndriçimit publik.
Pasi që kontrata për ndriçim publik ka skaduar, si pasojë e kësaj, qytetarët e Komunës së Prizrenit tashmë po ballafaqohen me mungesë të ndriçimit publik në rrugët e qytetit.
Pasojat veq kanë filluar ku shumë qytetarë dhe lagje të tëra, janë duke u ankuar për mungesën e mirëmbajtes së ndriçimit publik dhe mungesën e furnizimit me rrymë.
Vlen të theksohet se disa nga semaforët, ndoshta për shkak të këtij problemi nuk po funksionojnë.
E gjithë kjo po ndodh, si pasojë e pregaditjes së tenderit për personat e përshtatshëm, për këta dy-tre zyrtarë të komunës, për të cilët po flasim.
Personat në fjalë, po përdorin presione sistematike, karshi operatorëve ekonomik lokal, që me vite të tëra, kanë dhënë kontribut të çmueshëm dhe po tentojnë të kurdisin tendera, për operatorë tjerë ekonomik, të cilët madje nuk janë fare nga Prizreni.
Nga zyrtarët e lartëpërmendur, do të vazhdoj kjo gjendje, nëse asgjë ndaj tyre nuk ndërmirret.
Ata do të vazhdojnë me muaj të tërë këtë zvarritje, derisa ta merr tenderin biznesi, për të cilin janë pregaditur kushtet dhe kriteret.
Këto janë pasojat nga kjo mënyrë e të menduarit dhe të vepruarit:
• Demotivimi i bizneseve serioze, që me vite të tëra kanë dhënë kontribut për Prizrenin;
• Veprimet preferenciale karshi bizneseve, dëmtojnë konkurencën e lirë;
• Humbja e kohës për kurdisje të tenderëve, e cila në një kontekst më të gjërë, ndikon edhe si faktor limitues, në kapacitete menaxhuese për shfrytëzim të buxhetit, prandaj qe dy vite kemi suficit buxhetor 7 + 6 milion euro;
• Paaftësia për të menaxhuar projekte dhe deformimet e kësaj natyre rreth kurdisjes së tenderëve, rezultojnë me tërhekje nga qarkullimi të mbi 13 milion euro, ku më së shumti humbin bizneset e Prizrenit, sepse ato mjete dë të kishin qenë në qarkullim në qytetin tonë. /Telegrafi/
Lufta Prigozhin - Putin
Më shumëMe inteligjencën artificiale 'jetësohen' figurat historike shqiptare
Hoxha skeptik për formimin e qeverisë nga Albin Kurti pas zgjedhjeve të 9 shkurtit, i duhet koalicioni
Sarajeva e para, Prishtina qyteti 15-të me ajrin më të ndotur në botë
Vogel: Për sa kohë BE-ja dhe SHBA-ja e 'ledhatojnë Vuçiqin', Kosova do të jetë në rrezik
Zgjedhjet në Kosovë: Kush voton e kush jo dhe pse ka rëndësi?
Në Prishtinë konfiskohen rreth 25 kg marihuanë, arrestohen katër të dyshuar
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Gjesti habit me deklaratën: Nëse kam aq shumë fansa, atëherë po ia fus gjumit dhe po e fitoj Big Brother-in
Pas Lojërave Olimpike, hakohen edhe faqet e Bloomberg në Facebook dhe Instagram - publikohet fotografia e Gjestit
Me inteligjencën artificiale 'jetësohen' figurat historike shqiptare
Real Madridi po ia rrëmben Barcelonës top shënjestrën nga dora
Trump deklaroi se Spanja është pjesë e BRICS, reagon qeveria spanjolle
Përfundon dueli i nëntë golave: Nga turpërimi, kalon në ngadhënjim - çfarë Barcelone!