PayPass Wallet nga Mastercard

MasterCard WorldWide dje publikoi lëshimin në punë të funksionit PayPass Wallet, e cila është zgjerim i sistemit të tyre PayPass që është në dispozicion në rreth gjysmë milion lokacione në botë. PayPass POS mundëson pagesën me prekje të kartelës (pra ajo nuk ka nevojë të tërhiqet nëpër skaner) ose përmes sistemit NFC në celularë.

PayPass Wallet Services ia jap kompanive të pavarura mundësinë e krijimit të sistemeve të veta të pagesave nën emër të vetin. Për përdorimin e PayPass Wallet shfrytëzuesit duhet të japin të dhënat rreth kartelave të cilat dëshirojnë të përdorin përmes këtij sistemi, në tërësi deri në 25 kartela të cilat nuk është e domosdoshme të jenë të lëshuara nga ana e MasterCard, dhe adresën e dorëzimit të mallit. Kur blejnë online ose përmes pajisjes mobile, zgjedhin kartelën nga e cila do të bëhet pagesa, dhe japin adresën për dorëzim në mesin e adresave të ofruara.

Te blerja përmes Internetit ose përmes telefonit, mjafton të futet vetëm një shifër, sikur dhe tek PayPall, e pastaj zgjedhin kartelën konkrete e cila do të ngarkohet për transaksionin.

Sipas Gartnerit, përparësi e këtij sistemi në krahasim me ata të PayPall, Google dhe të tjerë është qasja e hapur ndaj platformave tjera dhe kompanive të cilat mund ta përdorin. Bankat dhe partnerët tjerë, nga ana tjetër, mund ta përdorin në dy mënyra – përmes përdorimit të shërbimit të Mastercard që bart emrin e tyre, ose përmes përdorimit të PayPass API-së i cili ua mundëson përdorimin e logos dhe emrit të vet. /Telegrafi/