Pastroni karrigen e zyrës lehtë dhe shpejtë me këtë truk të thjeshtë

Ashtu si sendet e tjera shtëpiake, edhe karrigia e zyrës ka nevojë për pastrim periodik të plotë për të hequr alergjenët dhe papastërtitë që janë grumbulluar në të.

Pavarësisht materialit nga i cili janë bërë, karriget e zyrave mund të pastrohen me një fshesë të zakonshme dhe të pastrohen me ndihmën e detergjentit për larjen e enëve, tasave të vegjël dhe disa leckave për pastrim dhe fshirje të pluhurit, shkruan The New York Times.

Për fillim, pastrojeni me thithëse pluhuri karrigen plotësisht nga lart poshtë në mënyrë që ta hiqni pluhurin, mbetjet e flokëve ose të ushqimit. Nëse ka hapësira që është e vështirë të arrihen me një fshesë me korrent, përdorni ajër të kompresuar.

Pastaj përzieni detergjentin me ujë të ngrohtë në një tas. Njomni një leckë dhe fshini butësisht të gjitha sipërfaqet e karriges. Përdorni mjaftueshëm lëng për të mbuluar sipërfaqen, por mos e teproni në mënyrë që pëlhura të mos thithë përmbajtjen.

Përdorni alkool, uthull ose detergjent rrobash për të pastruar thellësisht njollat. Por nëse karrigia është shumë e ndyrë, merrni një mjet për pastrim të tapicerive. /Telegrafi/