Pasi dështuan për Leny Yoron, Real Madridi tani koncentrohet te Cristian Romero

Real Madridi është duke ripërpunuar planet e tyre pasi objektivi Leny Yoro vendosi të nënshkruajë për Manchester United këtë verë në vend që të shkojë në “Santiago Bernabeu”.

Mbretërit e kishin parashikuar Yoron që të ishte pjesë e mbrojtjes së tyre për pjesën më të madhe të dekadës së ardhshme.

Sipas GMS, një nga opsionet e Real Madridit tani është mbrojtësi i Tottenham , Cristian Romero. Mbrojtësi argjentinas ka qenë i lidhur më parë me Los Blancos, por TyCSports lëvizja nuk ka ndodhur, pasi Tottenham nuk ishin të interesuar për ta shitur.

Real Madridi kishte përgatitur një ofertë për Romeron, por thotë se çmimi i kërkuar prej 175 milionë euro që Spurs i kanë vendosur lojtarit e ka trembur ekipin spanjoll.

Në moshën 26-vjeçare, Romero është në kulmin e tij dhe mediumi anglez shkruan se Real Madridi mund të testojë akoma vendosmërinë e Tottenhamit me një ofertë verën e ardhshme.

Real Madridi fillimisht pritet të marrin dritën jeshile nga lojtari, shumë përpara se të bëjnë një ofertë.  Ky ishte rasti për Yoro, Endrick Felipe dhe tani Alphonso Davies.

Lexo po ashtu Manchester City e sheh si nënshkrimin e ëndrrave - gati oferta për yllin e Real Madridit që shihet si zëvendësues ideal i Julian Alvarez

Romero ka edhe tre vjet të mbetura në marrëveshjen e tij, dhe është ndër më të mirët në botë në pozicionin e tij, ndërsa Antonio Rudiger dhe David Alaba tashmë kanë kaluar të tridhjetat dhe pritet të zëvendësohen gradualisht. /Telegrafi/