Pas publikimit të videos ku ai “mëson një vajzë se si të hipë dhe kalërojë në një kalë”, reagon kryetari serb në Bosnjë dhe Hercegovinë

Videoja që qarkullon në internet është bërë tre vjet më parë dhe nuk është regjistruar në Administratën e Qytetit.

Kështu ka deklaruar kryetari i bashkisë së Banja Lluka, Drashko Stanivukoviq, pasi u publikua një video që tregonte një vajzë “që mësonte të hipte mbi një kalë”, përcjell Telegrafi.

Ai gjithashtu ka shtruar pyetjen se pse videoja që është bërë tre vjet më parë është publikuar tani.

Lexo po ashtu Shfaqen pamjet: Një vajzë në zyrën e kryetarit serb në Bosnjë dhe Hercegovinë “mëson se si të hipë dhe kalërojë në një kalë”

“Pse jo gjysmë viti më parë ose një vit më parë, ose për njëzet ditë? Sepse sot po flasim për aferat më të mëdha që tronditën Republikën Srpska, afera më e madhe në 20 vitet e fundit, dhe qëllimi është të largohet vëmendja nga ajo temë”, ka thënë Stanivukoviq.

Ai kujton se fokusi duhet të jetë në temën, e cila është oksigjeni që u jepet pacientëve në Kujdesin Intensiv.

Ndryshe, një video është shfaqur në internet ku shfaqet një vajzë në zyrë e ulur në shpinë të Drashko Stanivukoviq, ndërsa kryetari i bashkisë së Banja Lluka në Bosnjë dhe Hercegovinë “po e mëson atë si të ngasë një kalë”.

Stanivukoviq thuhet se njihet ndryshe si një adhurues i madh i kuajve, kështu që mund të supozohet se kolegia e tij ishte më i interesuar në “mënyrën sesi udhëton kjo kafshë fisnike”. /Telegrafi/