Pas ndarjes nga bashkëshorti, Kelly Clarkson kërkon të ndryshojë ligjërisht emrin e saj në Kelly Brianne

Kelly Clarkson paraqiti një kërkesë për të ndryshuar ligjërisht mbiemrin e saj në Brianne mes divorcit të hidhur nga ish-bashkëshorti, Brandon Blackstock.

Sipas dokumenteve gjyqësore të depozituara dhe të siguruara nga Us Weekly, ajo ka shprehur dëshirën që ta bëjë emrin e saj të mesëm mbiemrin e saj të ri.

“Emri im i ri pasqyron më plotësisht atë që jam”, shpjegoi ajo.

Një seancë gjyqësore në lidhje me kërkesën është caktuar për 28 mars, shkruan PageSix.

Këngëtarja e “Since U Been Gone”, 39 vjeç, nuk e ka adresuar kërkesën e saj për ndryshimin e emrit në mediat sociale ose në emisionin e saj.

Divorci i Clarkson nga Blackstock, 45 vjeç, është në vazhdim, megjithëse ish-çifti u shpall ligjërisht beqar në gusht 2021.

Fituesja e Grammyt bëri kërkesë për divorc nga ish-menaxheri i talenteve në qershor 2020 pas gati shtatë vitesh martesë.

Që atëherë asaj i është dhënë kujdestaria e dy fëmijëve të tyre: River, 7 dhe Remington, 5.

Së fundmi, Clarkson ra dakord t’i jepte Blackstock mbi 5 përqind të fermës së tyre në Montana.

Prezantuesja e “Kelly Clarkson Shoë” fillimisht fitoi shtëpinë tetorin e kaluar, por Blackstock argumentoi se ishte “pronë bashkëshortore” dhe jo pjesë e marrëveshjes së tyre paramartesore.

Në dhjetor, Clarkson humbi kërkesën e saj që Blackstock , i cili ende banon në pronë, të dëbohej nga ferma.

Divorci i tyre ka qenë shumë emocional dhe i shtrenjtë.

Korrikun e kaluar, ajo u urdhërua të paguante Blackstock gati 200,000 dollarë në muaj në mbështetje të bashkëshortëve dhe fëmijëve. Ajo gjithashtu do të paguajë faturën për tarifat e tij ligjore, të cilat arrijnë deri në rreth 1.25 milionë dollarë.

Clarkson kohët e fundit bëri shaka se pasi u përball me procedurat e trazuara të divorcit, ajo do të jetë “beqare përgjithmonë”. /Telegrafi/