Pas largimit nga Big Brother VIP Kosova, Getinjo mëson që i ka vdekur daja: E kisha edhe shok

Reperi i njohur, Getinjo mbrëmë (e hënë) ka përfunduar rrugëtimin e tij në shtëpinë e famshme të Big Brother VIP Kosova.

Getoar Aliu (emri i plot) mori vendim të largohej nga gara duke thënë se nuk dëshiron të vazhdojë më këtë eksperiencë.

Reperi nga Ferizaj u shpreh se ai përkundër që nuk do t’i shkojë deri në fund garës ka arritur qëllimin për të cilin kishte ardhur.

Sipas tij, ai hyri në BBVK që të iu tregonte njerëzve që si është në të vërtetë, pasi këtë nuk arritur ta bënte përmes muzikës.

Ndërkohë, sot (e martë) Getinjo ka bërë një reagim përmes një postimi në llogarinë e tij në Instagram ku ka shprehur falënderim për fansat ndërsa tha se vetëm tani e kuptuar lajmin se i ka ndërruar jetë daja.

“Faleminderit për të gjitha mesazhet e mira njerëz të dashur! Këto ditë lajmërohem dhe bisedojmë me juve të gjithëve. Më paska vdekur daja (vëllai i nënës) sa isha brenda dhe e kuptova lajmin sot në mëngjes. Ka qenë daja im i vogël dhe e kam pas edhe shok. U mërzita tepër, Zoti e mëshiroftë”, ka shkruar Getinjo.

Lexo po ashtu "Vdekje në duart e shtetit" - Mozzik publikisht kërkon drejtësi për dajën e tij që dyshohet se u vetëvra pak ditë më parë në burg

Kujtojmë që në dhjetor të vitit që lamë pas daja i Getinjos dhe Mozzik, Burim Hetemi, ndërroi jetë në Qendrën e Paraburgimit në Gjilan. /Telegrafi/