Pas fitores ndaj Cerrones, Tony Ferguson kërkon përballjen me Khabibin ose McGregorin

Tony Ferguson ka kërkuar një përballje me Khabib Nurmagomedov ose Conor McGreogrin, pas fitores së të shtunës ndaj Donald Cerrone në kuadër të ‘UFC 238’.

Në të kaluar, Ferguson kishte shansin që të përballej në katër raste me Khabibin dhe në katër këto raste, të dy boksierët e arteve marciale është dashur të tërhiqeshin për një arsye apo një tjetër.

Në ‘UFC 238’, Ferguson arriti fitoren e 12-të me radhë në UFC, gjersa mjeku i dha fund luftës së tij me Donald Cerrone para fillimit të raundit të tretë.

"I don't like to win that way, he's a hell of a fighter."

"We can run it back, I don't care who is next!"

Could we see Ferguson vs Cerrone again?!

'El Cucuy' is game, and something tells us Cowboy won't back down 👊#UFC238 pic.twitter.com/BSbHsRd5b9

— UFC on TNT Sports (@ufcontnt) June 9, 2019

Khabib pritet të përballet me Dustin Poirier në shtator, që do të jetë beteja e tij e parë që prej përballjes me McGregor vitin e kaluar dhe në konferencën për shtyp pas luftës të shtunën Ferguson i thirri të dy boksierët për kundërshtarin e tij të ardhshëm.

“Khabib ka nevojë që dikush ta shqelmojë atë. Ai ka nevojë për dy goditje nga unë në stomak. Nëse dëshiron McNguttes (McGregor) të përballet me mua, e pres në kafaz. E di se ai ka nevojë të luftojë dhe unë ia ofroj këtë shans”, ka thënë Ferguson.

Lexo po ashtu McGregor shpjegon arsyen pse e dorëzoi meçin ndaj Khabibit në muajin tetor

Ferguson ishte më parë kampion i përkohshëm, kur McGregor mbante titullin e peshave të lehta, por duhej ta braktiste për shkak të lëndimit.

Titulli më pas u fitua nga Khabib, pasi e mposhti McGregorin në tetor të vitit të kaluar, ndërsa tani do të përballet me Poirierin për ta mbrojtur titullin. /Telegrafi/