Komuniteti i biznesit në Prizren prej shumë vitesh avokon për funksionalizimin e Parkut të Biznesit, një projekt ky i nisur që moti nga organet komunale, por që ende mbetet i pa finalizuar.
Zyrtarët komunalë për Telegrafin kanë theksuar se procedurat ligjore lidhur me Parkun e Biznesit planifikohet të përmbyllen deri në fund të këtij viti, në mënyrë që prej fillimit të vitit të ardhshëm të nis vendosja e bizneseve prodhuese.
Kryetari i shoqatës së biznesmenëve dhe zejtarëve “Esnaf”, Varis Xhejlani ka nënvizuar se si Parku i Biznesit është i rëndësisë vitale për zhvillimin ekonomik të Komunës së Prizrenit.
“Ky park do të jetë i mirëseardhur sidomos për bizneset prodhuese. Konsiderojmë se do të mundësojë edhe tërheqjen e investitorëve të huaj, hapjen e bizneseve të reja, krijimin e vendeve të reja të punës e cila pastaj kurorëzohet me sigurimin e mirëqenies dhe prosperitetit për qytetarët e Komunës si dhe parandalimin e largimit të pjesës më vitale të popullsisë, rinisë”, ka thënë ai.
![](https://telegrafi.com/wp-content/uploads/2024/08/varis-xhejlani.jpg)
Sipas tij ky projekt është zvarritur shumë dhe duhet të përmbyllet në afatin sa më të shkurtër kohor.
“Të gjitha subjektet politike në fushata parazgjedhore kanë premtuar realizimin e Parkut të Biznesit, por ato premtime nuk janë finalizuar deri më sot. Tashmë, ka ardhur koha që ky projekt të finalizohet pa vonesa të mëtutjeshme. Pas takimeve të zhvilluara me zyrtarët komunalë jemi optimistë që ky park do të funksionalizohet më së largu deri në vitin e ardhshëm”, ka deklaruar Xhejlani për Telegrafin.
Ai ka shtuar se bazuar në kontaktet me bizneset prodhuese, nevoja për një hapësirë të tillë është e madhe.
“Ne jemi duke e zhvilluar edhe një hulumtim për të identifikuar nevojat dhe kërkesat e bizneseve të sektorit të prodhimtarisë lidhur me Parkun e Biznesit, dhe indikacionet e para se nevoja për një park të tillë është shumë e madhe”, është shprehur Xhejlani.
Shoqata “Esnaf”, një muaj më parë, pat zhvilluar një takim me bizneset prodhuese për të shqyrtuar kërkesat e tyre lidhur me vendosjen eventuale në Parkun e Biznesit. Në atë takim, përfaqësuesit e bizneseve të ndryshme patën vlerësuar se funksionalizimi i këtij Parku është i vonuar dhe se autoritetet lokale e qendrore duhet ti përshpejtojnë veprimet në këtë drejtim me qëllim të stimulimit të zhvillimit ekonomik lokal në Prizren.
Drejtori i Turizmit dhe Zhvillimit Ekonomik në Komunën e Prizrenit, Ramadan Tarashaj ka vlerësuar se deri në fund të vitit do të plotësohen kërkesat ligjore lidhur me Parkun e Biznesit dhe nga janari do të nis vendosja e bizneseve në këtë hapësirë.
![](https://telegrafi.com/wp-content/uploads/2024/08/Ramadan-Tarashaj-drejtor-DTZHE-Komuna-Prizren.jpg)
“Në bazë të ecurive deritanishme besoj se deri në fund të vitit do ti përmbyllim të gjitha procedurat ligjore lidhur me Parkun e Biznesit. Pastaj në muajin janar të vitit të ardhshëm do të jemi të gatshëm ta hapim Parkun e Biznesit për bizneset. Nuk po e them 100%, por jemi të bindur që në janar do të ndodh kjo”, ka thënë Tarashaj për Telegrafin.
Në të njëjtën kohë ka theksuar se Komuna e Prizrenit respektivisht DTZHE kanë njohuri për kërkesat e bizneseve në këtë drejtim.
“Me shoqatat e komunitetit të biznesit dhe zejtarëve kemi takime të rregullta. Kemi njohuri për kërkesat e tyre dhe po shqyrtojmë mundësitë që nevojat e tyre t’i akomodojmë brenda Parkut të Biznesit. Ndonëse ende nuk i kemi vendosur kriteret se si do të vendosen bizneset, afërsisht ne i dimë se çfarë po kërkohet dhe çfarë do të ofrojmë”, ka deklaruar Tarashaj.
Sipas tij do të ketë sërish takime me bizneset për të dëgjuar kërkesat e tyre, dhe për ti njoftuar se si do të rrjedhin procedurat për vendosjen e tyre në Parkun e Biznesit.
“Bindja ime është se përparësi do ti jepet prodhuesve, fjala është për prodhimet e lehta, që aktualisht veprojnë në hapësira me qira, dhe ata do të vendosen të parët. Pra qëllimi ynë është të krijojmë lehtësi për ta, që të ketë një vend ku ta realizojë investimin, në vend se të shpenzojë mjete financiare për blerjen e pronës . Kësisoj hapen vendet e reja të punës dhe ndikohet që papunësia në Komunën tonë të zvogëlohet dukshëm”, ka thënë Tarashaj.
Procesi i krijimit të Zonës Ekonomike në Prizren pati filluar para më shumë se një dekade dhe që nga ajo kohë Parku i Biznesit nuk është funksionalizuar. Ndërkohë Komuna përgjatë disa mandateve në këtë hapësirë ka investuar mjete të konsiderueshme financiare nga buxheti i saj. /Telegrafi/
Promo
Reklamo këtuLufta Prigozhin - Putin
Më shumëNga Rubrika
![Kurti takon gratë e Krushës së Vogël, diskutohen nismat për vetëpunësim](https://telegrafi.com/wp-content/uploads/2024/08/kurti-ne-takim-me-grate-e-krushes-se-vogel-380x233.jpg)
Kurti takon gratë e Krushës së Vogël, diskutohen nismat për vetëpunësim
![Mamusha gati për vitin e ri shkollor, shkollat pajisen edhe me disa tabela të mençura](https://telegrafi.com/wp-content/uploads/2024/08/anadolu-shkolla-fillore-ne-mamushe-380x233.jpg)
Mamusha gati për vitin e ri shkollor, shkollat pajisen edhe me disa tabela të mençura
![Prizreni ka finalizuar përgatitjet për vitin e ri shkollor, sfidë e vetme blerja me kohë e librave për nxënësit](https://telegrafi.com/wp-content/uploads/2024/08/DKA-Prizren-objekti-380x233.jpg)
Prizreni ka finalizuar përgatitjet për vitin e ri shkollor, sfidë e vetme blerja me kohë e librave për nxënësit
![U përball me të dy ekipet, trajneri i Valladolidit tregon dallimin mes Real Madridit dhe Barcelonës](https://telegrafi.com/wp-content/uploads/2024/09/page-1-780x439.jpg)
U përball me të dy ekipet, trajneri i Valladolidit tregon dallimin mes Real Madridit dhe Barcelonës
![Lojtari i harruar nga Arteta shkëput kontratën me marrëveshje të dyanshme me Arsenalin](https://telegrafi.com/wp-content/uploads/2024/08/arteta-4-780x439.jpg)
Lojtari i harruar nga Arteta shkëput kontratën me marrëveshje të dyanshme me Arsenalin
![Ndërron jetë në moshën 39-vjeçare ish-futbollisti i njohur i Ligës Premier](https://telegrafi.com/wp-content/uploads/2024/09/sol-bamba-780x439.jpg)
Ndërron jetë në moshën 39-vjeçare ish-futbollisti i njohur i Ligës Premier
![Trupat e gjashtë pengjeve janë gjetur në Gaza, ata ishin rrëmbyer nga Hamasi vitin e kaluar](https://telegrafi.com/wp-content/uploads/2024/09/1-780x439.jpg)
Trupat e gjashtë pengjeve janë gjetur në Gaza, ata ishin rrëmbyer nga Hamasi vitin e kaluar
![Ministria ruse e Mbrojtjes thotë se vendi i tyre u sulmua me qindra dronë](https://telegrafi.com/wp-content/uploads/2024/09/1-1-780x439.jpg)
Ministria ruse e Mbrojtjes thotë se vendi i tyre u sulmua me qindra dronë
![Është mbretëresha e modës së rrugës dhe thyen të gjitha rregullat e modës](https://telegrafi.com/wp-content/uploads/2024/08/573021-1-780x439.jpg)
Është mbretëresha e modës së rrugës dhe thyen të gjitha rregullat e modës
![Investoni në të ardhmen tuaj – bli banesë në ‘Arbëri’ tani! ID-140](https://telegrafi.com/wp-content/uploads/2024/02/Screenshot-2024-02-20-142648-380x233.png)
Investoni në të ardhmen tuaj – bli banesë në ‘Arbëri’ tani! ID-140
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123](https://telegrafi.com/wp-content/uploads/2023/07/foto-kryesore-per-tlgre-380x233.jpg)
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
![Sancho zbulon arsyen pse u transferua tek Chelsea, ka një mesazh edhe për tifozët e Man Utd](https://telegrafi.com/wp-content/uploads/2024/08/jadon-780x439.jpg)
Sancho zbulon arsyen pse u transferua tek Chelsea, ka një mesazh edhe për tifozët e Man Utd
![Aksioni në veri, SHBA vlerëson përkushtimin e Presidentes për një koordinim me bashkësinë ndërkombëtare](https://telegrafi.com/wp-content/uploads/2024/08/457522822_889442396548148_2573989000102348321_n-780x439.jpg)
Aksioni në veri, SHBA vlerëson përkushtimin e Presidentes për një koordinim me bashkësinë ndërkombëtare
![Krisje në kampin e Milanit? Leao dhe Hernandez ‘injoruan’ trajnerin dhe bashkëlojtarët](https://telegrafi.com/wp-content/uploads/2024/08/page-140-780x439.jpg)
Krisje në kampin e Milanit? Leao dhe Hernandez ‘injoruan’ trajnerin dhe bashkëlojtarët
![Në Adriatik është filmuar diçka ‘që rrëshqiste’ përgjatë sipërfaqes së detit – bie në sy një koment ‘për çmimet e larta’ në Kroaci](https://telegrafi.com/wp-content/uploads/2024/08/Screenshot_21-6-780x439.jpg)
Në Adriatik është filmuar diçka ‘që rrëshqiste’ përgjatë sipërfaqes së detit – bie në sy një koment ‘për çmimet e larta’ në Kroaci
![Japonezja shpenzoi vetëm 1 euro në ditë për ushqim, më pas bleu tre shtëpi: Ëndrra mu realizua në moshën 37-vjeçare](https://telegrafi.com/wp-content/uploads/2024/08/Screenshot-2024-08-31-175653-780x439.png)
Japonezja shpenzoi vetëm 1 euro në ditë për ushqim, më pas bleu tre shtëpi: Ëndrra mu realizua në moshën 37-vjeçare
![Presidenti serb dhe ai malazez përplasen në Pragë për çështjen e Kosovës](https://telegrafi.com/wp-content/uploads/2024/08/3960727_profimedia0903440274_ls-780x439.jpg)
Presidenti serb dhe ai malazez përplasen në Pragë për çështjen e Kosovës